Antonino Spirlì

Quest articol chì l'è scrivuu in lombard, grafia milanesa.

L'Antonino Spirlì (dii Nino, Taurianova, 13 de luj 1961) a l'è 'n politegh e giornalista italian, president fasent fonzion de la Calabria dopo de la mort de la Jole Santelli el 15 de otober 2020.

Biografia

Vegg tenent de cavalleria, l'ha lavoraa a la Mediaset e a la Rai indova che l'ha ideaa di format compagn de Forum e La Fattoria e l'ha scrivuu anca in su la carta stampada, compagn de Il Giornale, il Garantista e il Corriere di Calabria. In sul Giornale e 'l Garantista el gh'aveva in di rubrich el nomm "vecchia checca" (circa "vegg cuu alegher efeminaa") degià che l'è omosessual.

L'è scernuu in del sgenee 2020 'me vice-president de la Santelli in quotta Liga, oltra che assessor a la coltura e al commercc, e a la soa mort el deventa president fasent fonzion.

Controversij

L'è staa accusaa de razzism e omofobia - anca se l'è luu midemm deciaratament omosessual - per avè dii in sul palch de la "Pontida del Sud", ciovè de la manifestazion fàda in di primm de otober a Catania in contemporanea al process al Mattee Salvin per el cas de la nav Diciotti, che luu l'avaria doperaa semper i paròll "negro" (che a differenza del lombard "negher" la pò avègh on significaa negativ in di contest determinaa) e "frocio" (termen assee volgar de la lengua italiana che 'l gh'ha nissun paragon in la lengua del Porta) anca se 'l ghe pias mìnga a 'na quaj lobby e per quella reson chì l'è staa anca contestaa di sgent che ghe diseven che omofobia e razzism hinn no coltura, assessoraa che l'era assegnaa.

Riferiment

• Antonino Spirlì, il vice di Jole Santelli che guiderà la Calabria
• Morte di Jole Santelli, Nino Spirlì guiderà la Calabria fino a nuove elezioni