Lumbard ucidental Quest articol chì l'è scrivuu in lombard, grafia milanesa.

Arbed (Arbedo) l'è vun di duu centri principai del comun ticines de Arbed-Cagion, in del distrett de Bellinzona.
El paes l'è 'l pussee gross di duu centri. El confina a nord con Cagion e Lumin, a est con Roree (in di Grison) a sud con Bellinzona e Sant Antoni, a ovest con Gnosca e Gordun. Ghe passa in mezz la Traversagna, che in del paes l'è ciamada anca domà el riaa d'Arbed[1]. Arent al paes a gh'è anca la Val d'Arbed (in del qual a gh'è on lagh piscinin, el Laghett d'Orbell). El gh'ha on quarter che 'l se ciama Morinasc e che 'l confina con Bellinzona.

La scormagna di arbedott a l'è asen.

L'è staa on comun indipendent infina al 1820.

A Arbed gh'è stada el 30 de giugn del 1422, ona battaja bella granda tra i Svizzer (ch'eren dree a sedià Bellinzona) e i Milanes, che poeu hann vingiuu.

Not Modifega

Vos correlaa Modifega