Azion (partii politegh)
Azion (Azione in italian) a l'è 'n partii politegh italian fondaa del Carlo Calenda in del settember 2019.
Stòria Modifega
In del sgenee 2019 el Calenda, iscritt al Partii Democrategh, el lanzia la piattaforma "Semm Europee" per i elezion europee de quell ann. Dòpo de la crisi del governo Conte I e 'l nass del governo Conte II el molla el PD el 5 de settember. Ghe va dree anca l'important parlamentar Matteo Richetti.
El 21 de november del 2019 a l'è nonziaa el cambi de nòmm in Azion.
L'otegn on consiliee regional in Emilia-Romagna in di elezion del sginee 2020 in la lista del president Stefano Bonaccini.
In l'agost 2020 ghe aderissen du deputaa: l'Enrico Costa e 'l Nunzio Angiola.
In del Referendum costituzional del 2020 in Italia el se s'cera per el no. El 17 de november del 2020 Azion e Pussee d'Europa formen on unegh grupp in del Parlament italian.
In di elezion comunai del 2021, a Roma candiden el Calenda, che 'l riva no al ballottagg, ma a l'è la lista pussee votada. A Milan se candiden dent di Reformista e eleggen la Giulia Pastorella.
Al referendum in su la giustizia del 2022 se s'ceren cont el sì.
Per i elezion del 2022 el scerniss de corr insemma al Partii Democrategh, ma pocch dopo el molla l'acord, per via de la lianza del partii del Letta cont Europa Verda-Sinistra Italiana.