Governo Conte I
El Governo Conte I (ciamaa "Governo del Cambiament" o anca "governo giald-verd" o "giald-bloeu", di color di partii") a l'è staa el governo quell de 65 de la Republica Italiana guidaa del giurista Giuseppe Conte e de coalizion in tra el Moviment 5 Stell e la Liga, ch'han faa on accord ciamaa "Contratto per il governo del cambiamento".
| Governo Conte I | |
|---|---|
 | |
| Stat |  |
| Capo del governo | Giuseppe Conte (Independent) |
| Coalizion | Moviment 5 Stell e Liga |
| Legislatura | XVIII |
| Giurament | 1 de giugn 2018 |
| Dimission | 20 agost 2019 |
| Governo successiv | 4 de settember 2019 |
 Gentiloni Conte II  | |
El Giuseppe Conte l'ha ricevuu l'incarich de formà on governo el 31 de magg e l'ha giuraa ai 16:00 del 1 de giugn. El 8 de agost del 2019 el va in crisi, degià che la Liga la tira via la fiducia, e 'l 20 de agost el Cont el nonzia i sò dimission.
A l'è staa sostegnuu del Moviment 5 Stell e de la Liga, cont el sostegn esterno del MAIE e di moviment candidaa in di fir de la Liga: el Partii Liberal Italian e 'l Moviment Nazional per la Sovranità.
Per i analista el gh'ha avuu di posizion de sinistra a nivell economich e de center-destra a nivell social.
Storia
Modifega
|
Per savenn pussee, varda l'articol Elezion politegh italian del 2018. |
Dopo di elezion el President Sergio Mattarella el da di incarich esplorativ a la Presidenta del Senad Maria Elisabetta Alberti Casellati e a quell de la Cambra Roberto Fico per verificà la possibilità de fà su, respettivament, on governo M5S/center-destra e M5S/PD.
A magg 'sti mandaa menen a nagott, dopo che el Moviment 5 Stell l'ha refudaa de andà al governo cont el Partii Democrategh. El Mattarella l'ha insubii de nominà on governo neuter per portà el Paes a di noeuv elezion.
Dòpo de 'sta proposta la Liga e 'l M5S deciden de trovà 'n accord e deciden de insubì on Contratt de Governo e 'n premier tecnegh, el professor universitari Giuseppe Conte. I dò forz fann votà el contratt ai elettor: El M5S in su la piattaforma online Rousseau e la Liga in di gazebo.
El 27 de magg el Conte el remett el sò mandaa al Mattarella dopo che el President l'ha refudaa de nominà el Paolo Savona Minister de l'Economia. El Mattarella el da donca 'n incaregh al Carlo Cottarelli, ma dòpo che i partii troeuven 'n accord per Giovanni Tria a l'economia e Savona ai politegh europee el Cottarelli el remett el mandaa e 'l 1 de giugn el governo el pò giurà in di man del President.
El 8 de agost 2019, dòpo de 'n vot discordant in su la TAV Turin-Lion, el governo el va in crisi e i dò part domanden de tornà a votà. El 20 de agost el Conte el nonzia, denanz al Senad, de vorèss dimettés. L'Enrico Mentana l'ha parlaa de 'na telefonada in tra el Salvini e 'l Nicola Zingaretti, secretari del PD, per siguràss che 'l fuss minga andaa al governo cont el Moviment 5 Stell.
El 4 de settember 2019 a l'è incaricaa el noeuv governo Conte II, che 'l giura el 5.
Contratt de Governo
ModifegaImmigrazion
ModifegaEl Contratt el mett 'me priorità la lotta a l'immigrazion clandestina e l'insubiss de fà su pussee center de espulsion e de fà pussee espulsion.
El 10 de giugn 2018 el Salvini el nonzia de sarà i port ai sociazion minga governativ e 'l 18 el dis de vorè censì tucc i zingher, ideja criticada de tutta l'opposizion e de bona part del M5S.
Tass
ModifegaEl Contratt el gh'ha dent l'introduzion de 'na flat tax per aziend e personn, cont on no tax area per i reddit pussee bass. 'Sta iniziativa a l'è stada assee criticada di opposizion perchè la favoriria i cett pussee ricch e la res'ciaria de vess in contrast cont la Costituzion, che la parla de impost improntaa a la progressività.
Cost de la politega
ModifegaEl Contratt el voeur sbassà i vitalizzi e i stipendi di parlamentar e di consiliee regionai, razionalizzà el numer di auto bloeu e ridù el numer di parlamentar a 400 deputaa e 200 senator.
Pension
ModifegaEl programma el voeur sbassà i pension sora i 5000€ e superà la reforma Fornero cont el sistema de la quotta 100, indova che se l'età anagrafega e i agn de contribuu a hinn pussee de 100 se va in pension, semper cont el diritt de andà in pension dòpo 41 agn de contribuu.
Reddit de cittadinanza
ModifegaEl Contratt el preved, 'me vorzuu del Moviment 5 Stell, el reddit de cittadinanza, limitaa a 2 agn e cont l'obbligh de accettà el lavorà insubii, 'me vorzuu de la Liga.
Democrazia diretta
ModifegaEl Contratt el ponta assee in su la democrazia diretta e 'l governo el gh'ha on ministeri appòsta. A l'è insubii de toeu via el quorum di referendum abrogativ e de obbligà el Parlament a calendarizzà i legg de iniziativa popolar.
Sanità
ModifegaEl Contratt el voeur digitalizzà pussee la sanità e sbassà i temp de attesa per i visit. El resta a favor de la division regionala de la sanità.
El Matteo Salvini, despess vesin al pensee antivaccinista, l'ha insubii, cont el biasim de la ministra de la Salut Giulia Grillo, de abolì i vaccinazion obbligatori.
El governo l'ha però scernuu 'na linia assee morbida in sui vaccinazion, cont la volontà de mett on obbligh flessibil e de eliminà l'obbligh per andà a scoeula.
Aqua publega
ModifegaI forz politegh s'hinn impegnaa a garantì la qualità de l'aqua publega in tucc i comun cont di investiment per mett in sicurezza i tubazion pericolos cont el piomb e l'amiant.
Autonomij
ModifegaEl Contratt el voeur dà pussee autonomia ai ent locai, e l'ha faa on minister per i Autonomij. El Sud el gh'ha on sò ministeri dedicaa.
Ambient
ModifegaEl Contratt el se impegna a incentivà l'energia renoeuvabila e a combatt i riatt ambientai, oltra a la volontà de fà 'n economia verda.
Made in Italy
ModifegaEl Contratt el voeur defend i denominazion italian in Europa e in del mond.
El Salvini l'ha parlaa de dazzi per difend el Made in Italy e 'l minister de l'agricoltura Gian Marco Centinaio l'ha bloccaa la ratifica del CETA perchè el protegg no tucc i denominazion italian.
Provvediment
ModifegaIn di sò 14 mes el governo l'ha otegnuu:
- On reddit minim garantii, ciamaa "reddit de cittadinanza", che 'l permett a quej che lavoren no de ciappà on minim per viv a cost de cercà on lavorà e accettà i lavorà che i center per l'impiegh ghe troeuven
- La Quotta 100, che la permett de sortì prima del lavorà rispett a la reforma di pension Fornero, a patt de 'vègh di determinaa caratteristich
- 'Na riduzion del numer di sbarch di immigraa del Mediterrani, giamò scominciaa in del 2018 sotta el Governo Gentiloni, che 'l gh'eva di accord cont la Libia
- El "Decrett Spazzacorrott", che 'l mett di sanzion pussee grand per la corruzion, el permett de doperà di mezz 'me i trojan e i agent provocator e 'l permett de castigà no quej che denuncen i riatt de corruzion
- Ona reforma de la legittima difesa, soratutt a nivell civilistich
- Di normi pussee dur per i gent che bordeghen durant di manfestazion e per i nav di ONG
Cronistoria
Modifega- Governo Gentiloni
- Governo Conte I
- Governo Conte II
Riferiment
Modifega- Di che colore è il governo Conte
- È nella Costituzione il primo no alla flat tax
- Il governo è giallo-blu (non giallo-verde) e 'legastellato'. Ora è ufficiale
- Pensioni, ecco come il governo Conte “supererà” la Legge Fornero
- Vaccini: Grillo va avanti e sfida i presidi, autocertificazione per 2018
- Vaccini, Salvini: 'Inutili 10 vaccini obbligatori'. Burioni: 'Bugie pericolosissime'. Alt Di Maio e della Grillo
- “Lavoro su reddito di cittadinanza procede a gonfie vele”
- Quota 100, Flat tax e Iva: gli steps del governo
- In Parlamento i punti del Governo Conte su immigrazione. Premier: Consiglio Ue possibile spartiacque
- Centinaio conferma la chiusura sul Ceta: "Non vediamo vantaggi"
- Dalle elezioni al governo Conte, quasi 90 giorni di crisi politica
- Crisi governo, Conte: "Farò in modo sia la più trasparente della storia"
- Crisi, Conte in Senato attacca Salvini e rassegna le dimissioni
- La conferma di Enrico Mentana del retroscena sulle telefonate tra Salvini e Zingaretti
- 5 cose fatte dal Governo Conte-Salvini-Di Maio, Lega-M5S