CIH (virus)

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

El CIH, cognosuu anca me Chernobyl o Spacefiller l'era on virus informàtech che 'l tacava i OS de la familia Windows 9x (Windows 95, 98 e Windows ME). L'è vun di malware pussee pericolos, perchè el podeva s'ceppà el BIOS del computer.

El virus el colpiva el 26 de april, anniversari de l'incident del Chernobyl, per 'sto motiv chì l'è ciamaa anca Chernobyl e 'l se spantegaa tant, anca in CD originaj e in di firmware Yamaha.

In l'ann 1999, l'ha s'ceppaa milion de computer, cont di success minor in di àlter agn dòpo.

Informazion

El malware l'è on virus, donca 'l se trasmett cont el scambi de file infetaa.

El virus l'era furb: Per forza di robb (per esempi: La grandezza del cluster) in di file gh'è del spazzi voeud che l'è minga drovaa. El virus infetta el file domà se gh'era del spazzi liber sufficient per modificà minga i dimension del file.

Quand l'era el dì 26 de april, el virus caregava el payload, faseva on loop senza fin e 'l mandava el PC in BSoD. Despoeu, provava a scancellà el BIOS e 'l MBR. Donca, quand el computer a l'éra pizzaa anmò, el partiva nagott e l'era nessessari drovà on dischett avviabil ('me ona distro Linux) per vedè se l'era necessari domà mett a post el MBR o l'era s'ceppaa el BIOS.

Autor

L'autor l'è el taiwanes Cheng Ing-Hau, che l'è sta mia condanaa dal so governo, perchè in quej agn gh'era minga 'na legg ciara in tal sens. L'ha trovaa lavor in d'ona azienda de informatega e in del 2009 el se representa in publegh, per parlà di driver per Linux.