Cafè espress
|
Quest articol chì l'è scrivud in lombard, con la Noeuva Ortografia Lombarda |
El cafè espress (espresso in toscan) a l'è un tipo de cafè che l'è fad dent de 'na machina grazzia a la percolazzion a volta pression de l'aqua calda, che la tira foeura del cafè brusad, che 'l gh'ha de vesser masnad in manera particolar, pussee fina de quell de 'na moka, per otegnì un bon resultad.
| Cafè espress | |
|---|---|
 | |
| Origen | |
| Alter nòmm | Caffè espresso |
| Pòst d'origen |  Italia |
| Region | Piemont Lombardia |
| Spantegament | Tut el mond |
| Area de produzion | Turin e Milan |
| Dettaj | |
| Categoria | bibita |
| Settor | Bevande analcoleghe, distillad e liquor |
| Ingredient principaj | cafè |
| Variant | cafè longh, cafè ristret, cafè a mità e cafè corret |
Una prima forma a l'è stada inventada in Piemont in del 1884 de l'Angelo Morimondo, ma gh'è stad besogn de spetà el 1901, quand che el milanes Luigi Bezzera l'ha inventad una machina cont un principi compagn de quell che 'l gh'è incoeu, per havégh el cafè espress che cognossom.
Per fàll normal se doperen circa 9 gram de cafè che inn passad per circa 25 segond in l'aqua calda in pression, a circa 9 atmosfere, ma l'è possibel anca doperà el dobi de quantità per havégh un espress dobi. Se se fa passà aqua per manch de temp se otegn un cafè ristret, che l'è pussee corpos e 'l gh'ha men de cafeina, se inveci se fa vegnì foeura pussee de liquid a gh'è un cafè longh, che 'l gh'ha pussee de aroma. Se se sgionta del lacc, se dis che l'è un cafè a mità, menter se a vesser sgiontad a l'è un alcolegh, se dis che l'è un cafè corret. Se se sgionta el cicolat, a l'è un cafè cicolatad.
Riferiment Modifega
Alter proget Modifega
Wikimedia Commons el gh'ha dent imagin o alter archivi su cafè espress
