Rorè

Quel articul chì l'è scrivüü in Lumbard, cun l'urtugrafia insübrica ünificada.

Rorè (in Talian Roveredo) l'è om comun svizer del Canton Grisun o Grison. Sui cart vecc el sa ciama Rogoredo.

Rorè Comun
Rorè - Sœmeanza
Dats aministrativ
Nom ofiçal	Roveredo (GR)
Stat	Svìzzera
Canton	Graubünden
Distret	Moësa
Lengue ofiçai	lèngua italiana
Politega
Sindeg
Orgen lejislativ	Consili comunal
Territore
Coordinade	46°14′05.28″N 9°07′32.52″E
OSM	1684142
Voltituden	298 m s.l.m
Superfix	38,79 km²
Abitants	2 520 ab. (31 dicember 2018)
Densitaa	64.97 ab./km²
Confin	Gravedona, Dòss, Büscen, San Vitor, Gron, Lumin, Sant Antoni e Castaneda
Fus orari
Varie
Prefiss	091
Codex postal	6535
Sigla autom.	GR
Cl. climatega
Cl. sismega
Localizazion
Rorè - Localizazion
Sit istituzional

Las trova in val Mesolcina e el fa part del disctret Moesa. In più l'era el capoluogo del Circol de Rorè.

Rorè el gh'ha 2531 abitant second i ultim censiment, e una superficie de 38.78 km², las trova a una altèza de 298 metri sora al livel del mar. L'è el comun del Canton Grisun pissee a sud.

El comun de Rorè l'è tacò ai comun de S.Vitor e Gron. A Rorè eg pasa du fium la Moesa e la Traversagna, ma e gh'è anga el riaa de Trii, chèl de Lemora e altri che romai ie stacc metù sota tera. La Val Traversagna l'as ciama anga Val Rorè la ga tanti val e valèt laterai bagnee de riaa come per esempi el Riaa de Marc o chel de Rescignaga. Rorè el ga tanti mont e sentee indoche es po' faa tanti bei pasegiat e rampigaat. Sui montagn ie stacc facc fora tanti rifugi avert a tucc, basta che prima de na via i lasiga tut pulito e che i lasiga miga lì el ruut.

Geografia

Chesto comun el sa trova in font a la val Mesolcina e el confina a es'ct con l'Italia (Val Ciavèna), a sud con el Canton Tisin e a ovesc't con la Val Calanca. in mez al paes de Rorè dal 1907 eg pasava la ferovia che nel 1943 l'é stacia ritirada dala Ferovia Retica, ma nel 1972 o poc dopo l'è pe stacia tolta via del tut. Ormai ia pé facc l'autostrada N13. Chesta autosc'trada la smezzò in duu el paés da quasi quarant'an. Nel 2008 i è scomincee i lavor per la circonvalazion de Rorè, difati l'autosc'trada ades (novembre 2016) la pasa dent per no galeria tuta sperlusenta. Fra poc temp es deciderà pe come giustaa i dagn facc tanti ann fa ma romai torna in dré es po più perché tanti bei ca vecc, come chela di Cont, la ca Mazio e altri, ie stacc tiré giù per fa su banc e palazzin. Nel fratemp la votazion per el proget de la ricucitura l'é pasada per el 65% (15 de genar del 2017). Nii pé a vedee in del sito del Comun se a volii saven pisee.

I frazion de Rorè ie tanti, i principai i sa ciama: Sant Antoni, Vera, Befen, Piàza, Carasoo, Piazzèta, Sot ai Nos, Toveda, Belecc, S.Fedee, Prau, Pianez, Guera, Maron, Neer, Rugn, S.Giuli, Cornaa, Campagna, Stazion, Rogg, Mondan, anga se storicament miga tucc iera di veri e propri frazione. Una volta e gh'era tre degagn (frazion vecc) e dopo e ghé tanti nom de post che es sa pé miga begn e ie sparpaiéé un po departut. Es po' vedei sui cart topografic del Canton sul sito GeoGr nii pé voialtri a catai, eco domà quai esempi, se però v'an vegn in menta a mo metii su chilé: Bola, Moron, Cazep, Lemora, Mota, Caldana, Bel, Trii, Valasc, Gardelina, pont di sospiir, ai Mulin, al Torc, Badeisc, Mot, Val, Gana,

Edifizi e manufatti storic .

A Roré e ghe tant de cui gees! Om quai esempi l'é:

• La gesa de S.Giuli o parrocchiale
• La gesa de Sant Antoni
• La gesa de Sant Ana o del Ponte Chiuso.
• La geseta de Carasoo

E ghe resto un canton con una teca dela geseta de S.Giorg tra Caldana e San Fedee. Anga chela de San Fedee la ghè amò e l'é diventada om laboratori de restauro indoche eg lavora i student de la SUPSI guidee dal professor Marco Somaini. Tanti altri capèl e capèlètt ie sparpaiee sul teritori: come chela del Paltan, chela de Pianez, chela de Bel, chela de March, chela de S.Carlo,....

L'é miga finiit perche a Roré e ghe anga tut om sistema de fortificazion che es vecc a mo un poo. L'é vera che cui de Roré forse iera di bravi ricicladoo già ai tempi e una volta mandee via balivi e signorotti ia penso begn de ciapaa i sass de castei, muraion e tor per fa su i so tecc e i so ca. Ghe resto un po de tor de Bogian, un poo de tor de Befen, un po ma propri pooc del castel del Trivulzi e om quai murett de chi o de lì. Quaicos eg vanza su a mo anga al mot Garlenda, ma chisà che om di o l'altro i sa met pe a scavaa per guarda sota s'es trova a mo quaicos. A dismentigavi de nominaa i trii pilastri, anga se forse l'era mei miga regordai, perche ilé e ghe mort tanti pori femen e omen perche accusee de stregoneri e de malegn de ogni sorta.

Lingua

Chesta part la dovrisa vès svilupada pisee e magari con tanti person perché i informazioni generai i sa trova su altri siti.

El dialèt di nost vecc el va scumpariì. Come tucc i dialett di nost paes e val, ma anga come tucc i ling del mond, el sa traforma col temp. Dal dialet de la ferovìa ades in paes es sent tanto parlaa talian, ma om talian un po' tartasò de spes con la cantilena de Roré o con quai parol strupiée. Se es vo naa a vede come l'era no volta es po' na sul sito indoche ia digitalizzò tanti publicazion vecc, per esempi el vocabolari del maestro Pio Raveglia o la gramatica del profesor Arnoldo Marcelliano Zendralli; el sito el sa ciama e periodica. In Tisin al nost dialet iag dis dialet d'in su, propri perché nung (o nun?) om dis miga sü come lo ma su. Iam tira in gir col detto " a Roré tuc in un mucc" ma el giust el saria pé "a Roré tucc in om mucc". A so pé miga se a scrivi tutt giust, se quaidung ian sa pisee: dhai coregg!! l'é facilisim.

Quai espresion che iam piaas o che e gh'é miga nel vocavolari del mestro Pio: Ma cioooo! Ma cuie rop! romai (oramai)! listess pé! la bat i turli inchéé la Lina! l'em poro famei! ...poc bèla laa vo vess se om continua a sta manera! naa de repetocc! cuie grengenada! fa pé miga malegn né, matasc d'om matasc! spondal (appoggio del bastone).... inché am senti maltransc (non mi sento molto bene)...cuie mentèca! (é molliccia..) eg vanza giù pien de filopen (fili)...."au au" (non credo) oppure "ab" ...

Inseris anga i to!!!!

Sport

In paés a gh'è diversi società sportif, sa va dal fotbal al schi, dala ginasctiga al bal. Eco i principai società o organisazzion sportif che gh'è per Rorè:

• SC Rorè Roveredo, fotbal.
• SFG Rorè, ginasctiga.
• RACM Grandinani, giovin fotbaleurs.
• Sci Club Rorè, schi e sport invernai alpìn.

Scòla

A Rorè, come nel rèst del Canton Grisun i an de scòla obligatoria iè néf: sés an de scòla elementàr, più trì de scòla secondaria. In paés es trova du sedi de l'asilo comunal. Prest eg sarà una sede neva giù visin al camp de fotbal. E pe e ghé el centro scolastich elementàr in Riva, indoche eg va i pup dala prima a la sesta class e. Dent ai Mondan, e ghé el centro regional dela scola secondaria o Real. In chela scola i va tucc i maton e matàn dai trèdes ai quindes an, domicilié nel Circol de Rorè e in val Calanca.

Storia

Se volii savee la storia l'é mei che a nii sui siti specialisti ma per esempi nel sito in talian de Roveredo, sempro in wikipedia, e gh'é già di bei sintesi.

A disi domà che Roré el sa svilupò tanto specialment dal 1850 inanz. Nel 1773 second i libri di Status animarum Roré el ghéra 691 abitant e Mesoch invece 921. Chèsto l'al dis el ricercadoo Cesare Santi in diversi so publicazion. El paes l'era dividu in quatro degagn che i sa ciamava: San Sebastian, Sant’Antoni, San Fedee e San Giuli, ognuna con la so gesa. Ogni degagna l'era governada da un Console e dai so giurati. Ogni ann i votava. Insema i Consoli i comadava la Vicinanza, che l'era l’asemblea di Vicini (Patrizi). Se i doveva metes d'acordi per l'uso dei bosch, di alp o altro Roré el sa meteva con cui de S.Vitor nel Comun Grande o comune generale. L'assemblea del Comun general la sa faseva in Pasquédo, che inchéé l'as ciama Piaza di Nos.

L'asemblea l'era tignida insema a turno da vung di quattro consoli de Roré o da chel de S.Vitor.[1] Arqiviad qé: [2]

Economia

Rorè lè un centro importànt per la Val Mesolcina, anga per via de l'economia. Lè facil trovà tanti ditt pinin e, sopratut, el centro del paés l'è zèp de ditt chi ofris servizi. A l'economia comunala e regionala i ditt che i giòva pissé iè custi chi:

• Coop, coperativa per vendita d'alimentàr.
• Raiffeisen, banca, la terza pissé granda a livél svizzer.
• Banca Grigione, banca cantonala del Canton Grisun.
• La Posta, colòs postàl svizzer.
• Crédit Suisse, banca, la segonda pissé granda a livél svizzer, ma nel 2016 l'é nacia via de Roré.
• Lingera, carnevaa de Rorè, organizzò anualment. El porta in media 20'000 person ogni an da tuta la Mesolcina e da tut el Tisin. L'è nela clasifica dei 5 carnevaa dela Svizzera taliana insema a chel de Bellinzona, Tesserete, Ciass e Biasca.