Casoncei

Quell articol qì l'è scrivud in Lombard, cond l'ortografia Scriver Lombard.

I casoncei^[1] o caroncei^[2] i è un mangiar tipeg de Bergem e Bressa.

Casoncei

Origen
Pòst d'origen	Italia
Region	Lombardia
Dettaj
Categoria	primm piatt
Reconossiment	P.A.T.
Settor	pasta

A l'è un tipo de pasta impienida qe a l'è spantegada in tante variants locai, ma con dei ingredients de bas comun a tœte: ol pien a l'è fad su da carna, grana padan gratad e erbe aromatege, con la pasta qe la g'ha una tipega forma a meza luna. Ol tœt conciad con grana padan gratad, bœter, panceta e salvia.

Casoncei a la Bergamasca ^[3]

Mangiar tipeg de la bergamasca:

Pasta: farina, sal, aigua (variants anca cont ol lait).
Pien: pan, parmijan, carna de manz e porcell, pedersem, ugeta, scorza de limon, amarets
Forma: a circol piegad, con pasta media-grossa.

Ol pien al conferiss ai Casoncei un lejer savor dolç, carateristega tipega del panorama de la cusina medioeval e rinassimental indova qe i gh'hann orijen; una documentazion certa la ne dis de la so esistenza jamò ind ol 1386. Sota 'l domini venezian ol pien al ciapa denter nœve spezie, amarets e ingredients de orijin de lonj. La riceta de incœ a l'è ol segutar de la version del votcent. Ind la Vall Gandin e ind la volta Vall Seriana i è ciamads Caronséi (patronziad [kaɾonˈsɛj]).^[2]

Casoncei de la Bressana ^[4]

Mangiar tipeg de la Bassa bressana:

Pasta: farina, œv, sal, aigua.
Pien: pan, parmijan o grana padan, ai, nox moscada, brœd, pedersem, sal.
Forma: de bonbon, barbel, quadrad, triangol.

Tipeg i è i casoncei de Barbariga e Longena, produxids dent ind ol territori comunal de qests do pais de la bassa bressana. Del 2004 i Casoncei de Barbariga e Longena i ha ciapads la De.C.O.

Casoncei de la Vall Camonega^[5]

Qei de la Vall Camonega i è considerads la variant plœ "tipega" dei casoncei.

Ogne pais al g'ha un pien divers. I plœ cognossids i è qei:

de Bren, ciamads Caicc ([kaˈitʃ])
de Dò (BS) e Loz (BS), parnonzia locala [kazon'sej]
de la bassa vall, parnonzia locala [kaðonˈhej]
de la volta vall, ciamads Calzon; pien de pom de terra, formai e carna a Villa Dalegn, erbe e codegin a Pez e de salam, verz, pom de terra a Zoan.

I ricete i cambia po de pais a pais, e ogne fameia la la modifega segond i so variazion.

Riferiments

↑ (IT)Disciplinare di produzione dei casonsèi. URL consultad in data 29 Novembre 2017.
↑ ^2,0 ^2,1 Guerino Brozzoni, A sgargét in dol mè bergamasch, Clusone, Editore Gruppo Aeper, 2024. 9788898515486
↑ (IT) (IT) Casoncelli alla Bergamasca. URL consultad in data 29 Novembre 2017.
↑ (IT)(IT) Casoncelli alla bresciana. URL consultad in data 29 Novembre 2017.
↑ (IT)(IT) Ricetta Casoncelli della Valcamonica. 3 Gennaio 2016. URL consultad in data 29 Novembre 2017.

Vox conrelade

Scarpinocc

Olter projet

Wikimedia Commons el gh'ha dent imagin o alter archivi su Casoncei

[1] (IT)Disciplinare di produzione dei casonsèi. URL consultad in data 29 Novembre 2017.

[Rino-2] 2,0 ^2,1 Guerino Brozzoni, A sgargét in dol mè bergamasch, Clusone, Editore Gruppo Aeper, 2024. 9788898515486

[visi_Caso-3] (IT) (IT) Casoncelli alla Bergamasca. URL consultad in data 29 Novembre 2017.

[butt_Caso-4] (IT)(IT) Casoncelli alla bresciana. URL consultad in data 29 Novembre 2017.

[lacu_Rice-5] (IT)(IT) Ricetta Casoncelli della Valcamonica. 3 Gennaio 2016. URL consultad in data 29 Novembre 2017.

[1]

[2]

[3]

[4]

[5]