Cordetta

Quest articol chì l'è scrivuu in lombard, grafia milanesa.

La cordetta o spagh (olter variant: corda, cordajoeu, cordina, straforzin, reforzin lazza, o anca fil genoves), l'è on tipo de corda suttil.
L'è fada su de tanti reff de fibra tessil intortiada insemma; la fibra pussee doperada a l'è 'l lin, ma la pò vess anca de coton, canov, sisal o de tecnofibra. De norma la gh'ha on color maronzin, ma la pò vess anca tengiuda e colorada. La dimension, che la va de 1 a 5 cm, l'è marcada de on numer.
La cordetta la gh'ha vari usagg, per esempi in de l'imballà (pacch, ball de fen...), ligà insemma el mangià (per esempi i salamm), in di lazz di scarp, in de l'artisanaa (brascialett, bors, decorazzion...).

Remissei de cordetta.

El nomm

El termen "cordetta" l'è ona version alterada de "corda".
"Spagh", inscambi, el riva del latin spācu(m). Anca l'italian "spago" l'è de origin settentrional.
In tra i olter variant straforzin l'è tipegh de la zona alpina (Valtolina, Tesin, Ossola), intant che lazza l'è doperaa soratutt in de la Bassa (Lod, Cremona, Mantoa, Bassa bressana). Fil genoves l'è doperaa a nord de Noara. Reforzin l'è lodesan e cremasch.