Elezion primari del Moviment 5 Stell del 2017

Quest articol chì l'è scrivuu in lombard, grafia milanesa.

Elezion primari del Moviment 5 Stell del 2017
Stat	Italia
Candidads	Luigi di Maio	Elena Fattori
Voti	30'936	3'596

I Elezion primari del Moviment 5 Stell del 2017 a hinn staa di elezion primari faa el 21 settember del 2017 del Moviment 5 Stell per scernì el sò candidaa premier per i elezion politegh italian del 2018.

El vincitor, Luigi di Maio, a l'è staa nonziaa el 23 de settember a Rimini, a la manifestazion Italia a 5 Stelle.

Storia

Comé da tradizion del Partii el leader Beppe Grillo el corr no ai elezion, anca se l'è despess accusaa de vess capo de tucc i istituzion M5S de facto.

L'è staa donca necessari fà di elezion primari, on line in su la piattaforma Rousseau, per scernì el candidaa premier.

Luigi di Maio, vicepresident de la Cambra di Deputaa, a l'è staa consideraa de tucc el favorii, oltra che el candidaa pussee istituzional e men popolista, e part de la destra del Partii.

Nissun alter member de spicch l'ha scernuu de candidàss, ne el Roberto Fico ne l'Alessandro Di Battista.

Foeura de la Senatora Elena Fattori tucc i alter sfidant eren descognossuu al publich, e 'sto fatt l'ha menaa el Partii Democrategh, la Liga Nord e Forza Italia a cridà al fals domà per legittimà la candidatura, giamò deciduda, del Di Maio.

Candidaa

I candidaa a 'sta elezion a eren vott: Du istituzionai, ossia el Vicepresident de la Cambra di Deputaa Luigi di Maio e la Senatora Elena Fattori. I alter ses eren di consiliee comunal del Moviment.

Candidaa pussee famos

Foto	Nomm		Informazion
		Luigi Di Maio	Vicepresident de la Cambra di Deputaa
		Elena Fattori	Senatora

Candidaa piscinitt

Nomm		Informazion
	Vincenzo Cicchetti	Consiliee a Rimini
	Andrea Davide Frallicciardi	Consiliee a Figline Valdarno
	Domenico Ispirato	Consiliee a Verona
	Gianmarco Novi	Consiliee a Monscia
	Nadia Piseddu	Consiliera a Vignola
	Marco Zordan	Consiliee a Sarego

Resultaa

Candidaa		Vot	%
	Luigi Di Maio	30,936	82.62%
	Elena Fattori	3,596	9.60%
	Nadia Piseddu	1,410	3.77%
	Gianmarco Novi	543	1.45%
	Marco Zordan	373	1.00%
	Vincenzo Cicchetti	274	0.70%
	Andrea Davide Frallicciardi	168	0.40%
	Domenico Ispirato	102	0.30%
Total		37,442	100.0
Font: Blog di Beppe Grillo

Voti

Di Maio			82,62%
Fattori			9,60%
Piseddu			3,77%
Novi			1,45%
Zordan			1,00%
Cicchetti			0,70%
Frallicciardi			0,40%
Ispirato			0,30%