Estorr Vescont
L'Estorr Vescont (Milan, 2 de april 1346 - Monscia, 7 de genar 1413) a l'è staa 'n nòbel milanes, fioeu del Bernabò Vescont.
Biografia
ModifegaFioeu del Bernabò Vescont e de la Beltramola de' Grassi, in del 1404 l'è nomenaa scior de Martinengh e Morengh. El faseva part de l'Orden de la Treccia fondaa de l'Albert III d'Austria. El Giovann Maria Vescont l'eva accusaa de cospirazion e saraa dent a la galera del Castell de Monscia, indova che l'è liberaa poeu di ghibellitt.
In del 1407 l'è nomenaa scior de Monscia, indova che 'l fa batt 'na soa moneta con scricc "Hestor Vicecomes Modoetie". A la mort del Giovann Maria del 1412 l'è acclamaa Duca del popol milanes ma l'è sconfitt del Filipp Maria e 'l se rifugia a Monscia insemma a la sorella Valentina, indova che 'l moeur durant de l'assedi per ona preja che 'l gh'eva s'ceppaa el pee. La sorella la ciappa i interess di ered del Bernabò e 'l permett a l'Estorr de vess miss sotta cont on gran funeral al Domm de Monscia. In del 1711 l'è trovaa mummifegaa durant di lavorà al Domm e l'è miss, insemma a la soa spada, in del Musee del Tesor del Domm.