Exeter

Quest articol chì l'è scrivuu in lombard, grafia milanesa.

Exeter (cornovajes: Karesk; galles: Caerwysg; latin: Isca Dumnoniorum; ingles antigh: Exanceaster) l'è ona città inglesa del Regn Unii.
L'è 'l capploeugh del Devon e la gh'ha ona popolazion de quasi 120.000 abitant (stima del 2010).
L'è traversada de l'Exe, el fiumm che 'l ghe da el nomm, e la se troeuva in su la Manega.

L'è stada fondada in del 50 di Roman cont el nomm de Isca Dumnoniorum. L'era el fortin pussee ocidental de tutta la Britannia romana. In de la soa storia l'è stada assediada e conquistada tanti voeult, e anca bombardada al temp de la II Guerra Mondial. El sò monument pussee important l'è 'l Domm, dedicaa a San Peder.

Fotografii de Exeter.

Gemellagg

• Rennes, Francia.
• Bad Homburg, Germania.
• Jaroslavl', Russia.
• Terracina, Italia.