Lumbard ucidental Quest articol chì l'è scrivuu in lombard, grafia milanesa.

Faso, nassuu Nicola Fasani (Milan, 7 de april 1965) l'è on musicista italian.
L'è cognossuu soratutt perchè l'è 'l bassista del grupp milanese Elio e le Storie Tese, a partì del 1985-1986. A bon cunt, l'ha sonaa anca per on monton de alter musicista italian (tra i tant a regordom Mina, Franco Battiato, Daniele Silvestri).
Insemma al Christian Meyer (batterista di Elii) e a l'Alessio Menconi l'è member del Trio Bobo. El toeu part anca a la Biba Band (de la qual l'è vun di fondador). Insemma a Elio, Rocco Tanica, Cesareo, Linus e Mangoni l'è vun di conduttor de Cordialmente. De voeuna di rubrigh inventaa de lù (Le poesie ermetiche di Ermes Palinsesto) l'è sortii foeura on liber, ciamaa Il visone ha una faccia enorme (2011).
L'è fondador (in del 1989) e president de l'Ares Milano, ona squadra de baseball. Per via de la soa passion per el baseball l'è vegnuu commentador di partid de la Major League americana in su SKY.

Faso in del 2005