Ferrovia 2000
Ferrovia 2000 (istess in italian, Bahn 2000 in todesch, Rail 2000 in franzes, Viafer 2000 in romancc) a l'è staa 'n progett faa in Isvizzera per fà pussee bon, util e efficient el sistema ferroviari federal, varaa in del 1987 cont on Decrett Federal poeu confermaa cont on referendum popolar. L'è staa completaa in del 2004, cont on investiment in treni, infrastruttur e alter de circa 5,9 miliard de franch.
El sistema l'è scominciaa cont l'introduzion de l'orari cadenzaa, cont on treno ogni mezz'ora in di tratt pussee important, in del 1982 e cont la scerna de la stazion de Zurigh Centrala 'me noeud principal de la Svizzera. Intorna al 1990 a hinn ordenaa i noeuv Lok 2000 e i carrozz IC 2000 per i treni InterCity e InterRegio. In del Canton Tesin a l'è stada attivada la società TiLo, prima in collaborazion per Trenitalia e poeu cont Trenord, per conligà la Lombardia ai center principai de la Lombardia svizzera.
In del 2004 a l'è finii el primm tocch, menter l'AlpTransit el gh'ha ancamò de vess finii.