Locomotiva FFS Re 460
| FFS Re 460 | |
|---|---|
| Locomotiva eletriga | |
 Re 460 al trano di carrozz IC 2000 | |
| Agn de ordinazion | 1985 |
| Agn de costruzion | 1991-1996 |
| Agn de esercizi | dal 1991 |
| Quantitaa produxida | 119 |
| Costruidor | SLM e ABB |
| Lungeza | 18'500 mm |
| Largeza | 3'000 mm |
| Alteza | 4'300 mm |
| Scartament | 1'435 mm |
| Massa a vœd | 84 t |
| Classificazion di locomotive | Bo'Bo' |
| Potenza continuativa | 6'100 kW |
| Velocitaa massema omologada | 200 km/h |
| Alimentazion | 15 kV ~ 16⅔ Hz |
La locomotiva FFS Re 460 a l'è 'na locomotiva elettrica doperada di Ferrovij Federai Svizzer dal 1991.
Storia
ModifegaI locomotiv a hinn staa desviluppaa in l'ambit del programma Ferrovia 2000 per modernizzà la red ferroviaria svizzera cont di noeuv lign, carrozz e locomotiv a volta velocità. In principi la noeuva locomotiva d'elezion la gh'eva de vess la locomotiva FFS Re 4/4 IV, che però l'ha convinciuu no i FFS e donca l'è stada dada ai privaa.
In del 1985 a l'è presentaa el primm prototip de la noeuva Re 460, ispirada a la locomotiva SLM Re 456, doperada in sui ferrovij privaa e a la locomotiva FFS Re 450, de la S-Bahn de Zurigh. L'è stada doca fada su in trè serij in tra el 1987 e 'l 1990. El sò rivà l'ha permiss ai FFS de accantonà di vegg locomotiv 'me i FFS Ae 4/7.
Dal 2017 a hinn in fas de revamping, cont di noeuv cambiament ai sistema elettronich per permett on risparmi de energia pussee volt.
Caratteristich
ModifegaLa Re 640 a l'è retegnuda 'na locomotiva universala, anca se in pratega doperada domà per el strapòrt passeggee, e la fonziona internament a correnta alternada. La gh'ha sia di freni elettrich e magnetich sia pneumatich: I computer de bord deciden, a seconda de la velocità e de la composizion del treno, la tipologia de doperà.
Variànt
ModifegaI Ferrovij Federai pensaven a 'na version de questa locomotiva per el servizzi merci, a poeu a hinn staa cattaa foeura i TRAXX de la Bombardier, immatricolaa 'me 482. Dal 1994 al 1997 a hinn staa faa in d'ona variant potenziada e venduu a la società privada BLS Lötschbergbahn.
Di alter variant a hinn staa faa per l'ester, per esempi la locomotiva VR SR2 paj ferrovij de la Finlandia, i El18 per quej de la Norvegia e i TLN/TLS per i ferrovij de Hong Kong.