Firefox OS

Quest articol chì l'è scrivuu in lombard, grafia milanesa.

Firefox OS l'è staa on sistema operativ open source per i telefonin cellular.

Storia

Firefox OS, cont el nomm de Boot 2 Gecko el nass longh el luj 2011 .
El sò obiettiv l'era de fà on sistema che el va anca in su i celular ch'i costèn pocch.
Firefox OS el drova minga ròba proprietaria, drova domà standard verti, soratutt el HTML 5.

Dal 8 dicember del 2015 Mozilla l'ha annunciaa che el OS el sarà minga puu distribuii cont i provider, ma che 'l sigutarànn a desvilupàll.

Inveci, a febrar del 2017, la vegn nonziada la fin del progett.

Version

Firefox OS 1.x

I primm version del Firefox OS i eren assee limitaa, per esempi el se podeva minga fà el copia incolla.

Firefox OS 2.5

La version 2.5 l'è stada assee renoeuvada e l'ha mittuu di noeuv fonzion.
El vegn fà on noeuv launcher, che 'l gh'hà on fonizionament different da quel dei sò predecessor. El se pò passà dai tri ai quater colònn domà a moeuv el dit e scancellà i app l'è pussee facil.

Struttura

Struttura del Firefox OS

El Firefox OS el gh'ha tri strat  :

Gonk

Gonk l'è el kernel Linux, che 'l conètt i prugramadura al telefonin.

Gecko

Gecko l'è el engine del Firefox, che interpreta el HTML. Gh'i hinn i Web Api.

Gaia

Gaia l'è l'interfaccia grafega del Firefox OS, desvilupada in HTML5.

App

I app per el Firefox OS se scarighen dal Marketplace.
El sistema gh'hà ona quaj app preinstalada 'me on calendari, on browser (Firefox), on orelogg e on client email.

Vos corelaa

• KaiOS