Fradei ambrosian
|
Quest articol chì l'è scrivud in lombard, con la Noeuva Ortografia Lombarda |
I fradei ambrosian (ciamad ofizzialment Ordo Fratrum Sancti Ambrosii ad Nemus) a inn stad un orden religios fad su del secol XIV e desligad del 1643.
Nassuda per volontà de nobel e sciori milanes che, tant 'me el Sant Ambroeus, s'eren retirad in del bosch (ad nemus), del 1375 el papa Grigoeu XI i ha aprovad e gh'ha dad l'orden de stàgh adree a la regola de san Gustin e de doperà el rit ambrosian. Fad su in principi 'me convent autonom, del 1441 el papa Eugeni IV i fà 'me orden mendicant, guidad de 'n retor votad de 'n capitol, che 'l se trava a man ogni trii agn, e confermad de l'arcivescov de Milan. Del 1589 inn tacad insema ai fraa de San Barnabà e del 1643 el papa Urban VIII i scassa via, roba poeu confermada du agn adree de l'Innocenzi X. Al scassament resisten i orden feminin, che deventen i romite ambrosiane de l'orden de Sant Ambroeus ad Nemus.
La soa sed principal a l'era a San Prim, indova che incoeu gh'è el Palazz del Senad, e la segonda pussee importanta a l'era la Gesa de Sant Ambroeus de la Vitoria a Parabiaa: foeura de l'arcidiocesi de Milan gh'haveven sed domà a Roma, in la basilega de San Pancrazzi e in quella de San Clement.