Lumbard ucidental Quest articol chì l'è scrivuu in lombard, grafia milanesa.

Intra (in del vegg dialett ['intrɛ]; anca in italian Intra) l'è vun di duu center principai de la città de Verbania.
El quarter el se troeuva in su la riva del Lagh Magior (del sò port partissen i batei per Laven, in su la sponda lombarda) e 'l confina a sud con Palanza: i duu center hinn separaa del cors del riaa San Bernardin. A nord, inscambi, l'è bagnada del riaa San Gioann.
El sò patron l'è San Vitor.

Panorama de Intra.

Storia Modifega

Abitada giamò in de l'età antiga, in del Medioev l'è partegnuda ai cont de Biandraa. In del 1220 l'è passada in di man del vescov de Novara: quell lì l'ha miss in pee i fortificazzion in su la riva (che al dì d'incoeu i gh'è pu). Sotta el domini di Viscont, in del 1339 l'ha otegnuu i sò diritt comunai. Poeu Intra l'è stada on feud di Boromee, che hann mantegnuu la soa influenza sotta i Spagnoeu e sotta i Savoja.
In del 1927 gh'è staa taccaa i comun de Zovrall e Trobas, e in del 1929 l'è stada la voeulta de Uncc. In del 1939 l'è stada taccada a Palanza in del noeuv comun de Verbania.

Varda anca Modifega