Kerria japonica
La roeusa del Giappón (Kerria japonica) a l’è ona pianta de la famiglia di Rosacei. L’è l’ùnega specie del géner Kerria.
| kerria japonica | ||||||||||||||
|---|---|---|---|---|---|---|---|---|---|---|---|---|---|---|
| occ.: roeusa del Giappon or.: ????????? | ||||||||||||||
 Roeusa del Giappon
| ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Kerria japonica DC. |
L’è originaria de l'Asia, in particolar de la Cina e del Giappon, ‘doe la ven ciamada Yamabuki. L’hà ciapàa el nòmm del William Kerr, che l’hà introdòtt in Euròpa el cultivar Pleniflora.
Descrizion Modifega
A l’è on arbust con di fust suttìl, e pòch ramm, ch 'le pò raggióng i 2 meter d'altèzza. La ven coltivada come ona pianta ornamentàl a fior “sempliz” (varietàa “golden guinea e “ variegata”) o doppi (pleniflòra); i foeuj hinn càduch, sempliz e gh’hànn on màrgin fàa a resega; i fior hinn giald, quèj sempliz gh’hànn cinch petali, el frutt l’è on acheni che’l gh’hà dent domà ona somenza. La fiorìss de metà primavera, di vòlt anca a la fin de l’estaa con pòch fior.
Distribuzion Modifega
L’è originaria de l'Asia, l’è spantegada 'me ona pianta coltivada in di giardìn de l’àrea mediterranea, anca in di zòn cittadìnn, donca l’è molto resistenta a l’inquinament atmosferegh.
Propagazion Modifega
La moltiplica la pò vèss trada innanz per división di scèpp, per taj, margòtta oppùr travèrs i sfronzón.
Utilizzazion Modifega
La ven coltivada per fin ornamentàj, in di parch e i giardìn a fa su si sces oppur di grupp in deperlór, etcetera.
Metod de coltivazion Modifega
La Kerria la preferìss la posizión al sol in di clima frècc, a la mèzza ombrìa in di clima pussée bon. Generalment la gh’hà nò besògn di dacquàd de già che la pioeuva la ghe basta-, la gh’hà de vèss d’acquada domà in di periodi de brusècch. La se adatta a quajsevoeur tipo de terrén basta che ‘l sia ben drenàa.
La potadura la gh’hà de vèss fada de primavera subit adrée a la fiorida, al fin de favorìnn la formazion di gèmm de l’estàa che menarànn i fior l’ann adrèe.
L’ingrassadura la ven fada con de l’ingrass orgànich madùr de bon..
La pò vèss soggètta a di malattìj provocàd di fung (Cylindrosporium e Brumeriella Keriae), e a i attàcch di vermen ai radìs.
Varietà Modifega
"Pleniflora", a fior doppi.
" Variegata "
" Golden Guinea"