Knuckles

Quest articol chì l'è scrivuu in lombard, grafia milanesa.

I knuckles (de l’istèssa paròlla in lengua inglesa) hinn di sporgénz piscinìtt disponnùu arent ai confìn de ona gròssa incudin de on cumulonemb, o ben ona nivola che l’ingenera i temporaj. Ògni knuckles el se forma in del sit indoe l’è adrée a’ndàa su ona corrent ascendenta. I knucles hinn divèrsi di mammatus che inveci se foeurmen per via di acqueri che riessen minga a rivà giò al soeul, e de già che se troeuven in sul bòrd de l’incudin pòden vèss vedùu anca a desén de chilometri de distanza del temporal e se troeuven de sòlit in sul lato sora-vent , o ben ind la part dedrèe, quèlla che la passa a la fine del temporal. . I knuckles se foeurmen in sul bòrd de l’incudin perché hinn caosà de ona fòrta corrent ascendenta, quand che la riva a la fin de la troposfera a l’è obligada a spantagàss in orizzontal de già che là pò minga andà pussée su. La correnta l’è inscì fòrta de spantegàss in orizzontal de manera turborenta e per via de la soa turbolenza se foeurmen i knuckles.

Knuckles e tempèsta

I mammatus hinn domà conligà cont i corrent ascedent de manera indirètta, inveci i knuckles hinn ligà direttament con la corrent ascendenta, donca sò presenza l’insegna ona alta probabiltàa de tempèsta. . La presenza de knuckles la fa vedè che anca a granda distanza del center del temporal la corrent ascendenta a l’è anmò inscì fòrta de rivà fin quasi in su la tropopausa , e la stèssa fòrza de la corrent ascendenta l’è necessaria per la tempèsta