Lach d'Izé
(Rimandad de Lach de Sàrnech)
|
|
Chest artícol a l'è scricc in Lumbàrt, ortograféa orientàl unificàda. |
El Lach d'Izé (ciamàt apò Sebì; en Bergamàsch di ólte 'l vé ciamàt apò Lach de Predùr, Lach de Sàrnech o Lach de Lùer; en Italià: Lago d'Iseo o Sebino) l'è 'n lach de l'Itàlia setentriunàl, colocàt endèla Lombardia Orientàl. L'è furmàt del fiöm Òi. El g'ha 'na süperfìs de 65,3 km² e 'na profondità màsema de 251 méter. El se tróa a 180 m de altèsa söl lièl del mar, en fónt a la Al Camònega. L'Òi el se sböta 'ndèl lach a Lùer e 'l vé fò a Sàrnech. El lach el sègna 'l cunfì tra le pruvìnce de Bèrghem e Brèsa. L'òspita la piö grànda ìzola lacùstre de l'Europa centro-meridiunàl, Muntìzola, curunàda a Nòrt e a Sud de dò izolète piö pesène: Loréto e San Pàol.
Cümü lacüster
Modifega- En Pruìncia de Bèrghem: Càster, Còsta Ulpì, Lùer, Parsànega, Predùr, Rìa de Sólt, Sàrnech, Sólt, Taèrnola.
- En Pruìncia de Brèsa: Izé, Marù, Muntìzola, Pizógne, Sülsà.
| Lumbardéa · Lach de la Lumbardéa | |||||||||
|---|---|---|---|---|---|---|---|---|---|
| ol lach de la Cüna • ol Lach de Còm • ol Lach de Garda • ol Lach de Garlàt • Lach d'Ider • ol Lach d'Izé • ol Lach Magiùr • ol Lach de Olginàt • ol Lach de Lügà • ol Lach de Spinù • ol Lach de Varés | |||||||||