Liga per el Salvin Premier
|
Quest articol chì l'è scrivud in lombard, con la Noeuva Ortografia Lombarda |
La Liga per el Salvin Premier (Lega per Salvini Premier in italian) a l'è un partid politegh italian de destra, che l'è stad fad su el 14 de dicember del 2017, 'me continuazzion del proget nazzionalista del Matteo Salvini in la Liga Nord, de la che l'ha ciapad i posizzion euro-sceteghe e popolista, senza però ciapà el secessionism.
| Liga per el Salvin Premier | |
|---|---|
| Lega per Salvini Premier | |
| Segretare | Matteo Salvini |
| Vicesegretare | Giancarlo Giorgetti Andrea Crippa Lorenzo Fontana |
| Stat |  |
| Sede | Milan |
| Fondazion | 2017 |
| Ideolojia | Popolism de destra Conservatorism Sovranism Nazzionalism Protezzionism Identitarism Euro-sceticism |
| Collocazion | Destra |
| Coalizion | Center-destra |
| Partid europee | Identità e Democrazzia |
| Grup parlamentar europee | Identità e Democrazzia |
| Cadrege Cambra |
131 / 630 |
| Cadrege Senad |
61 / 321 |
| Cadrege Europarlament |
24 / 76 |
| Jornal | Il Populista (2016-2020) |
| Organizazion di joven | Liga Sgioven |
| Inscrivids | pussee de 100'000 (2021) |
| Color | Bloeu |
| Sit ofiçal | https://legaonline.it/ |
| $fine | |
Fina al 2019 la Liga per el Salvin Premier la ciapava domà i iscrit del Center e de la Bassitalia, in quell ann lì el congress el scerniss de facto de svojà la veggia Liga Nord e de passà tusscoss al noeuv soget politegh e donca la taca a ciapà tesserament de tut el Pajes, inveci i militant storegh poden scernì de tesseràss anca al vegg partid.
El so simbol el deriva de quell de la veggia Liga Nord, a guarnà el Guerrer de Legnan cont el Leon de San March. L'è, in di fad, un partid personalista ligad a la figura del leader Salvini.
Dopo di elezzion del 2022, quand che la Liga la ciapa men del 9%, el vegn foeura el Comitad Nord, guidad del Bossi, che 'l ponta a portà ancamò el partid in su temateghe regionalista e autonomista, senza però tocà la guida del Salvini.