Locomotiva FS E.414
| Locomotiva FS E.414 | |
|---|---|
| Locomotiva eletriga | |
 La locomotiva al train de 'n Frecciabianca | |
| Agn de projetazion | 1992 |
| Agn de costruzion | 1994-1996 (recostruzion dal 2007) |
| Agn de esercizi | 1995 |
| Quantitaa produxida | 60 (59 recostruii) |
| Costruidor | Consorzio TREVI |
| Lungeza | 20'250 mm |
| Largeza | 3'020 mm |
| Alteza | 4'000 mm |
| Scartament | 1'435 mm |
| Interperno | 11'450 mm |
| Pass di carrei | 3'000 mm |
| Massa in servizi | 68 t |
| Classificazion di locomotive | Bo'Bo' |
| Diameter rœde motrix | 1'100 mm |
| Raport de trasmission | 35/92 |
| Potenza oraria | 1'030 kW |
| Potenza continuativa | 4'400 kW (4 x 1'100 kW) |
| Sforz a l'aviament | 2'000 kN |
| Velocitaa massema omologada | 200 km/h (in origin 250 km/h) |
| Alimentazion | 3 kV CC |
La locomotiva FS E.414 a l'è 'na locomotiva elettrica derivàda de la trasformazion di locomotiv di ETR.500 monotension, dònca mìnga adatt ai lign de l'alta velocità ferroviaria. Hinn doperaa per el servizzi Frecciabianca.
Storia
ModifegaIn del magg 1992 a l'è ordinaa al consorzi TREVI on lòtt de 30 treni AV cont 60 locomotiv faa per la 3 kV CC.
In del 1996, dopo la decision de doperà in su l'AV i 25 kV CA, hinn ordinaa àlter 30 treni AV cont 60 locomotiv, 'sta voeulta politension. In del 2002, per permett ai alter 30 treni de fonzionà in su la red AV, a hinn ordenaa alter 60 locomotiv per sostituì quej de prima.
Dal 2018, in prevision de la fin del servizzi Frecciabianca de sostitì cont l'InterCity, a hinn provaa i primm locomotiv in livrea InterCity.
Per trasà no 'sti locomotiv, ancamò giovin, a l'è staa deciduu l'adattament per i servizzi pregiaa a massim 200 km/h. I primm locomotiv modifegaa a hinn sortii in del 2007 e n'hinn staa modifegaa 59, degià che la E.404.112, coinvoeulta in d'on incident, a l'è stada cantonada prima.
Caratteristich
ModifegaL'è 'na locomotiva monocabina fada per fonzionà cont i 3'000 V CC de la red standard italiana. El telar a l'è faa de azzal e la scocca de liga lingera, cont la testada aerodinamica in kevlar.
La supporta la ripetizion di segnaj a 9 codes.
In la trasformazion i rampitt e l'intercomunicant a hinn staa mittuu al nivell standard inveci che al nivell di ETR.500, per permett el cobbiament ai carrozz normai. L'è staa anca mittuu el SCMT e i sistema per alimentà l'aria condizionada e 'l rescaldament di carrozz. L'è stada anca mittuda a 200 km/h la velocità massima, per compatibilità cont i sò carrozz.
Galleria di foto
Modifega-
Locomotiva in livrea Eurostar City Italia a Desenzan -
Livrea ES City a San Benedetto del Tronto -
Locomotiva in la prima livrea Frecciabianca -
El mus de la locomotiva a la stazion de Milan Centrala -
La livrea Frecciabianca de lat
Riferiment
ModifegaVos corelaa
ModifegaAlter progett
Modifega
Wikimedia Commons el gh'ha dent imagin o alter archivi su Locomotiva FS E.414
