Mapèl

Chest artícol a l'è scricc in Lumbàrt, ortograféa orientàl unificàda.

Mapèl l'è ü cümü de la pruìnsa de Bèrghem che l'se tróa a 11 km de Bèrghem e a 255 méter söl mar. L'è 'n de l'ólta pianüra de l’Ìzola bergamàsca, a i pè e a mesdé del Cat. El cunfìna coi cümü de Imbìer, Barsana, Bunàt Sura, Brembat de Sura, Palasàch, Put San Piéro, Prezès, Sóta 'l Mut, Téren. El gh'à 6 815 abitàncc (dàto del Desember 2015).

Mapèl Comun
Mapèl - Sœmeanza
Dats aministrativ
Stat	Italia
Rejon	Lombardia
Provinça	Berghem
Capolœg	Mapello
Politega
Sindeg
Orgen lejislativ	Consili comunal
Territore
Coordinade	45°42′32″N 9°32′52″E
OSM	45782
Voltituden	255 m s.l.m
Superfix	8,66 km²
Abitants	6 909 ab. (1º genar 2023)
Densitaa	797.81 ab./km²
Confin	Imbìer, Barsana, Bunàt Sura, Palasàch, Put San Piéro, Prezès, Sóta 'l Mut, Téren e Brembàt de Sura
Fus orari	UTC+01:00 e UTC+02:00
Varie
Prefiss	035
Codex postal	24030
Sigla autom.	BG
Codex ISTAT	016132
Codex catastal	E901
Sant protetor	San Michee
Cl. climatega
Cl. sismega
Localizazion
Mapèl - Localizazion
Sit istituzional

Ol paìs vècc de Mapèl l' à conservàt quàze del töt l'aspèt medioevàl d'öna ólta co i stràde strécie, i cà 'n préda e i tùr che öna ólta i éra sèt; gh'éra pò ach ü fosàt 'ntùren al paìs che l'è restàt apéna apéna in "Contràda di Fòse" come l'insègna pò ach ol nòm de la contràda.

I fà part del cümü de Mapèl pò i bórgh de Piàna, Ultrìga e Prezàt 'ndóe l'è nasìt in del 1025 ol Sant Albèrt de Prezàt.

Sariulì

Per Mapèl i pasa 'l Durt, 'l Bülighèt, che l' fenés in del Durt pròpe in del teritòre de Mapèl e la Bülìga e 'l Córen che 'l fenés in de la Bülìga apéna sóta la éla del Gröm. Fò sùra l'è stacc iscàt ü canàl scolmadùr che quàndo gh'è la piéna l' ciàpa i àque del Durt a mùt del paìs e i a böta amò tùrna in del Durt, però a mesdé de Mapèl, isé che 'l paìs 'l vègne piö alagàt.

Strade e ferovìe

Ol teritòre cümünàl de Mapèl l'è traesàt fò da:

• la Strada Statàl n° 342 mèi cognusìda col nòm de Briantéa che la à da Bèrghem a Còm e Varés,
• la ferovìa Bèrghem - Lèch.

Céze e santöàre

Ol Santöàre de la Madóna de Prada

A Mapèl gh'è 'l Madóna de Prada che se la festègia l'òt de Setèmber, menimà la parochiàl l'è dedicàda a San Michél Arcàngel e la se tróa sura 'l paìs sö 'n d'öna còsta del Cat pogiàda pròpe sura al Durt. Gh'è pò la cezìna mediéala e töta 'n préda de San Bartulumì.

De èt

Ol Gröm

I giardì del Gröm

La éla del Gröm del sécol XVIII che co i sò giardì la se tróa a sira del bórgh de Mapèl e a mut de Ultrìga sö ü gröm de tèra métit tra la Bülìga a sira e 'l Córen a matina che de lé póch i se 'ncontra apèna a mesdé de la éla.

Evulusiù demogràfega

L'evulusiù del nömer de abitàncc l'è ilüstràda 'ndèla tabèla ché sóta:

Abitant censid