Mercuri (dia)

Quest articol chì l'è scrivud in lombard, con la Noeuva Ortografia Lombarda

El Mercuri (latin: Mercurius) l’è vun di dia pussee important ind la religion de la Roma antiga, desgià che l’era vun di dodes ‘dia consent’ dedenter del pantheon roman. L’è el dia del gadagn finanziari, comerzi, eloquenza, divinazzion e comunegazzion, di viasgiador, de la fortuna e di lader; l’era ancasì la guida dei aneme di mort ind el Dedelà^[1]^[2] e quell che menava in sgir i messasg dei olter dia.

Ind la mitologia romana, l’è considerad o el fiœul de la Maja, vuna di set tosane del titan Atlant, e del Sgiœuv o del Cel.^[3] A parariss che a l’inizzi l’era ligad a la deitaa etrusca Turms, ma pœu l’è stait sincretizad con la figura del dia gregh Ermes. El gh’ha un bach magegh con di biss imbirlad ciamad el ‘caduzzee’, che gh’era stait dait del Poll coma un cadò.

Referenze Modifega

↑ Glossary to Ovid's Fasti, Penguin edition, by Boyle and Woodard at 343
↑ Rupke, The Religion of the Romans, at 4
↑ Cicero, De natura Deorum 3.56; also Arnobius, Adversus Nationes 4.14.

Ligam de denter Modifega

Ligam de fœura Modifega

Wikiquote el gh'ha dent citazzion de o su Mercuri
Wikimedia Commons el gh'ha dent imagin o alter archivi su Mercuri

[1] Glossary to Ovid's Fasti, Penguin edition, by Boyle and Woodard at 343

[2] Rupke, The Religion of the Romans, at 4

[parents-3] Cicero, De natura Deorum 3.56; also Arnobius, Adversus Nationes 4.14.

[1]

[2]

[3]