Metropolitana de Genoa
| Metropolitana de Genoa | |
|---|---|
| |
| |
| Tipolojia | Metropolitana lingera |
| Stats | Itàlia |
| Territore | Liguria |
| Vertura | 1990 |
| Linie | metropolitana di Genova |
| Operador | AMT |
| Scartament | scartament normal |
| N. stazion e fermade | 8 |
| Lungeza | 7,1[1] km |
| |
| istruzion | |
La metropolitana de Genoa a l'è ona metropolitana lingera che la conliga el center de Genoa cont el quarter de Certosa, in del nord-ovest de la cittaa. El servizzi a l'è gestii da la societaa de straport pubbligh, AMT.
Red
ModifegaLa red metropolitana de Genoa a l'è componnuda domà de ona linia:
| Linia | Percors | Inaugurazion | Ultem slongament | Longhezza | Stazion |
|---|---|---|---|---|---|
| M | Brin - Brignole | 1990 | 2012 | 7,1 km | 8 |
Stòria
ModifegaLa possibilità de dervì ona metropolitana a l'era in discussion giamò dal 1906, ma a la fin a l'è staa scernuu on sistema tranviari, poeu saraa in del 1966.
Dopo a l'è staa parpognuu insemma a l'ingegnee Emilio Rava on sistema che l'avaria conligaa Genoa a Sampierdarena, cont di scambi cont i tram e i impiant de resalida.
Progett approvaa del governo de Benito Mussolini, a l'è staa poeu faa no per el cost, assee volt.
Cont la fin del tram, però, la torna l'idea de la Metropolitana, anca per doperà a pien el tunnel tranviari, che cont i bus l'era inquinaa.
El primm tocch de la metropolitana a l'è inauguraa in del 1990, in occasion del Mondial del Folball, e la Red a l'è quella de incoeu dal 2012.
Caratteristigh tecnigh
ModifegaScartament
ModifegaEl scartament di binari a l'è de 1435 millimeter, che a l'è l'inscì ciamà "scartament normal".
Alimentazion
ModifegaLa linia la dopera ona linia elettrificada de 750 volt, corrent continova.
Material rodabil
Modifega
La metropolitana la dopera vari materiaj rodabij di cui 6 unitaa dobbi articolaa de la prima generazion, che deriven di inscì ciamaa "Tram 2000" de Zurigh[2], e 12 elettromotriz Firema Tipo 67 A tucc costruii da Firema/AnsaldoBreda. I treni pòden viaggà in còmposizion massima da trii unitaa (circa 620-630 passegger).
Cont l'avertura de la stazion de Brignole a l'era preveduda la dotazion di treni de terza generazion, che sarïen dovuu vess tutt divers di generazion de prima, e la renovament di treni de la segonda, che averïen dovuu avegh anca on noeuv deposet. Tutavia, per i ritard relativ ai lavô propi del deposet, hann de faa obligaa a posticipà l'impiegh di noeuv tren.
Lògh
ModifegaEl lògh de la metropolitana genoesa, opra del disegnador Paol Varratta, a l'è staa ideaa a cura de Ansaldo Trasporti[3].
Progett
ModifegaSlongament
Modifega| Linia | Tocch | Staa | Fin di lavô preveduda[4] | Stazion |
|---|---|---|---|---|
| M | Brignole – San Frutus | in progettazion | - | 1 putost che 2 |
| Brin – Rivaroeu | in progettazion | - | 2 |
A hinn dree a vess descuttii divers progett de slongament, sia da la stazion de Brin che da quella de Brignole.
Da Brin
ModifegaDa Brin se descutt, da temp, de on possibel slongament vers la Val Polvecera fin a la delegazion de Rivaroeu (cont ona stazion in mezz de Via Canepari).
Da Brignole
ModifegaDa la stazion de Genoa Brignole, invece, se presenten divers possibelitaa de slongament:
- vers piazza Martinez putost che piazza Terralba, in del quarter de San Frutus, e, depos, vers l'ospedaa San Martin in del quarter cont el nomm istess;
- vers el stadi Luigi Ferraris, in del quarter de Marassi, e poeu vers Staglien.
Al dì d'incoeu, el slongament vers San Frutus el par el pussee probabel, perché dededree a piazza Terralba el gh'è on scalo ferroviari de mercanzi, de proprietaa de la Red Ferroviaria Italiana, che a l'è per on tocch doperaa no. Per fà-sù la banda de la metropolitana de Genoa che la conligarïa la stazion Brignole cont piazza Terralba, bastarïa donca convertì duu lign de binari ferroviari che gh'hinn adess in duu binari de la metropolitana[5] e costruì la stazion.
Inde l'agost del 2013, on articol del giornal Secolo XIX[6] ha annunziaa i intenzion de la gionta del Comun de Genoa de permett la costruzion del slongament di binari e de la stazion de piazza Terralba, in del quarter de San Frutus. Segond l'articol, la stazion la doerïa spontà dededree a la scoeura elementara de piazza Martinez, e i lavô doerïen vess gestii da l'Ansaldo Sts.
El 28 de settember 2014, el sindich de Genoa, el March Doria, in ona conferenza stampa a Palazz Tursi, ha dii de avè ricest al Minister di Straport Lupi on finanziament de 28 milion de euro per la costruzion de la stazion de la metropolitana in del quarter de San Frutus in piazza Martinez[7][8].
Noeuv stazion
ModifegaStazion de piazza Corvetto
ModifegaIn del percors de la metropolitana de Genoa el se pò vedè che gh'è ona stazion "fantasma", sota piazza Corvetto, che la se troeva intra i stazion de De Ferrari e quella de Brignole. Infatti, la costruzion de la stazion la gh'ha de vess ancamò finida per mancament de danee. A l'è domà staa faa on primm scav per mett-giò la zona de la sò costruzion[9].
Nòt e alter progett
Modifega
- ↑ amt.genova.it Sito ufficiale
- ↑ Giovanni Klaus Koenig, Tram d'avanguardia, in "I Treni Oggi" n. 100 (gennaio 1990), p. 66
- ↑ Genova in Movimento - La metropolitana di Genova, opuscolo informativo realizzato da Ansaldo Trasporti, Genovametro e Comune di Genova e distribuito nel luglio 2001
- ↑ Apena per i tocch ch'a hinn dree a vess costruii
- ↑ MetroGenova.com Arqiviad qé: [1]
- ↑ ilSecoloXIX.it - Metro, semaforo verde per piazza Martinez Arqiviad qé: [2]
- ↑ Metropolitana di Genova, al via l’iter per la nuova fermata San Fruttuoso – piazza Martinez
- ↑ La Metropolitana a San Fruttuoso: chiesto il finanziamento al Governo
- ↑ [http://www.ilsecoloxix.it/p/genova/2011/06/23/AOTtIne-burlando_dirotta_valbisagno.shtml Burlando “dirotta” il metrò in Valbisagno] Articolo de Il Secolo XIX, del 23 giugno 2011
Ligamm de foeura
Modifega- (IT) amt.genova.it, pagina dedicata alla metropolitana sul sito ufficiale AMT, gestore della linea
- (IT) Portale della mobilità e dei trasporti Arqiviad qé: [3] in Liguria
- (IT) Metrogenova.com Sito indipendente sulla metropolitana e sul trasporto pubblico nell'area metropolitana genovese
- (IT) Pagina dedicata a Genova su urbanrail.net