Tram 2000

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

El Tram 2000 a l'è on tram doperaa principalment in su la red di tram de Zurigh e entraa in servizzi dal 1976.

Di alter variant a hinn staa venduu a di alter città svizzer e anca a Genoa, per i primm treni de la metropolitana.

L'è a pianal rialzaa, e gh'è sia ona version monocassa sia di vittur articolaa da dò o trè cass. La pò vess sia monodirezional che bidirezional e gh'è scerna del scartament.

Storia

In del 1976 la Verkehrsbetriebe Zürich la ordina 'sti noeuv tram, a dò cass e cont trii carej, e che hinn monodirezionai, vist che tucc i lign de Zurigh i gh'ha i anej de retorn. Hinn staa ciamaa Tram 2000 sia per la soa numerazion sia per reppresentà el renoeuvament del servizzi di tram.

In del midemm ann la Forchbahn, ferrovia urbana che la compatiss cont i tram de Zurigh part di binari la crompa anca lee di Tram 2000, dò cass bloccaa e bidirezionai.

In del 1981 la Red di tram de Neuchâtel la crompa 4 tram in composizion bloccada de 2 gabinn, comé quej de la Forchbahn.

Cont la vertura de la Metropolitana de Genoa in del 1990 a hinn faa ses Tram 2000, modifegaa poeu di officin italian.

Incoeu a hinn anmò in produzion, anca se i red hinn dree orientàss a di soluzion pussee noeuv.

Variant

I variant del Tram 2000 a hinn:

Tram Be 4/6, el pussee doperaa, articolaa e a dò cass
Tram Be 4/8, cont ona sezion centrala a pianal rebassaa
Tram Be 8/8 e Be 4/4: Tram doperaa de la Forchbahn e de la Red de Neuchâtel.
Tram Be 4/10: Doperaa in su la red de Berna
Elettrotreno AMT 01-06, el treno de la Metropolitana de Genoa

Varda anca

Red di tram de Zurigh