Lumbard ucidental Quest articol chì l'è scrivuu in lombard, grafia milanesa.

El voucher scoeula a l'è 'na somma de danee che on quaj ent, de solit el Stat, el da 'n quajvun per permettègh de studià e de vess liber de scernì la scoeula de seguì.

Di sostenitor del modell a voucher hinn el Milton Friedman, che l'ha fondaa insemma a la miee Rose la fondazion per la libertà de scerna EdChoice, el Giovann Adamm II del Liechtenstein, el Steve Jobs e 'l Friedrich von Hayek.

Fonzionament Modifega

A segonda del modell cattaa foeura a l'è possibel che la ghe sia o no 'na scoeura finanziada direttament del governo, e donca a l'è possibel sia on modell indova che quej che ciappen el voucher a hinn domà quej che voeuren studià foeura del sistema publegh sia on modell indova che anca i scoeur che hinn di ent publegh deven concorr in del mercaa.

Per Stat Modifega

Cile Modifega

El Cile l'ha adottaa on modell a voucher universal in del 1981: 'Me resultaa hinn rivaa in sul mercaa pussee de 1000 scoeur privaa e in del 1998 i iscrizion ai scoeur privaa a hinn cressuu del 20 al 40%, cont el 50% in d'ona quaj area urbana.

In del genar 2008 a l'è adottada 'na legg per juttà mej i student pussee pover, ciamaa "student preferenziai", cont on voucher pussee volt e l'obbligh per i scoeur de ciappàj senza spes pussee.

Colombia Modifega

In Colombia el gh'è dal 1991 'n sistema a voucher pensaa per permett a quej men sciori de andàgh dent in di scoeur privaa cont di spes men. El sistema, a bon cunt, l'ha vist no 'na reduzion de la dispersion di student 'me vorzuu.

Hong Kong Modifega

In del 2007 Hong Kong l'ha mittuu 'n voucher per i fiolitt de 3 a 6 agn che frequenten di asili non profit. 'Na part del fond a l'è dedicada a pagà la struttura, menter 'n oltra part a pagà i studi ai stagista.

Italia Modifega

Dal 2001 la Lombardia la permett ai student di scoeur paritari, cioè di scoeur che hinn gestii del privaa ma seguissen el sistema publegh e hinn consideraa part de quell, cont on reddit bass, de descaregà finna al 50% di spes de la retta sostegnuu. El midemm benefici el gh'è, però, anca per quej che studien a la scoeula del Stat.

Anca el Piemont el gh'ha 'n sistema arent.

Pakistan Modifega

In Punjab l'è staa mituu in del 2006 'n sistema a voucher per juttà i gent pussee pover a sortì de la soa situazion. I scoeur hinn staa lassaa liber de scernì se giontàss o no al sistema, e se avarien scernuu de sì avarien dovuu caregà nient ai student.

Originariament finanziaa di privaa american, incoeu pussee de 500'000 student beneficen del voucher, pagaa del governo local.

Svezia Modifega

In Svezia, dal 1993, i "scoeur liber" pòden ciappà di student e vess finanziaa del comun tant 'me che la saria finanziada 'na scoeura publega. La volontà del governo a l'era de mett concorrenza in d'on settor assee important indova che 'l saria staa pericolos avè domà 'n fornitor in monopoli, per el minster Per Unckel.

'Me resultaa, la qualità di scoeur publegh la s'è volzada. El nivell general de l'educazion a l'è calaa, anca se 'l resta in tra i pussee volt d'Europa, ma per i statistegh gh'hinn staa di alter reson.

Resultaa Modifega

I voucher scoeula han mostraa de volzà la qualità de l'istruzion publega in concorrenza e de vess benefich soratutt per i grupp sociai pussee emarginaa e ghettizzaa.

De 'n oltra banda, indova che l'è staa mantegnuu 'n sistema scolastich publegh senza finanzialment pro capite, l'ha mostraa de volzà despess i cost, degià che, oltra a finanzià el sistema publegh, boeugna finanzià anca el sistema di voucher

Riferiment Modifega

Vos corelaa Modifega