Nintendo 64
El Nintendo 64 a l'è stada 'na console a 64 bit venduda de la Nintendo dal 1996 al 2002.
Storia
ModifegaEl Nintendo 64 a l'è staa pensaa 'me evoluzion del SNES, cont el passagg dirett di 16 bit ai 64 bit e cont el mett direttament in la console di fonzion mittuu in di cartocc del SNES.
El Nintendo 64 l'è stada la segonda console pussee venduda de la soa era cont 30 milion di vendit: Dòpo de la PlayStation (100 milion) e prima de la Sega Saturn (9,5 milion).
L'avegh no el lettor CD l'ha no commercialment juttaa la console, che la podeva nò legg i CD de musica, vend i disch di gioeugh vegg a pòcch, cosa che cont i cartocc la se podeva fà no e soratutt perchè la sfavoriva la pirateria.
Caratteristich
Modifega
La console a l'è 'na scatola rettangolara de color negher (foeura che per 'na quaj edizion speciala) srotondada e cont i bus per quater controller e la cartoccia, che la permett men spazzi rispett ai drive ottich a l'è anca pussee diffizil de piratà.
Specifich
Modifega- CPU: NEC VR4300-64 bit da 4,6 milion de transistor @93,75 MHz
- GPU: Silicon Graphics-RPC Reality 64 bit @62,5 MHz
- RAM: 4 MB
- ROM: Cartoccia da 4 a 64 MB
Accessori
ModifegaEl principal accessori a l'era el controller, ciamaa el "tricorn" di fan per la soa forma a trè pont, cont du tast "A" e "B", i fresc, on controller analogich e i tast C a freccia. A gh'è possibilità de giontàgh di Pak: El Rumble Pak, che 'l faseva vibrà el controller, el Controller Pack, che 'l dava 'na memoria pussee da 256 KB a 4 MB, l'Expansion Pack, che 'l raddoppiava la RAM del sistema e 'l Transfer Pak, che 'l permetteva de comunicà cont el Game Boy per di gioeugh di Pokémon e per la Game Boy Camera.