Nivell de biosicurezza
El nivell de biosicurezza a l'è 'n insemma de atenzion che bisogna avègh quand che se maneggen di particolar agent biologich che hinn pericolos per l'omm.
Gh'hinn quatter nivej:
- BSL-1: l'è el pussee bass e 'l preved i comun normi di laboratori compagn de mett i guant, i oggiai e nettàss ben i man e l'è doperaa cont i germi che fann no inscì maa a l'omm compagn de l'Escherichia coli
- BSL-2: a l'è doperaa per i germi che pòden fà maa ma se spanteghen mia fazilment in l'aria e se pòden curà compagn de la Salmonella, di virus de l'epatita, de l'Influenzavirus A, el Clostridioides difficile e i scrapie; el gh'ha di precauzion in sui ogett che tajen e l'access al laboratori a l'è controlaa e 'l personal l'è formaa apposta e i procedur che generen di aerosòl a hinn faa sotta la cappa
- BSL-3: a l'è doperaa per i germi locai che pòden provocà la mort se respiraa, compagn de Yersinia pestis, del SARS-CoV, del Mycobacterium tuberculosis, del virus de la rabbia e de la fever gialda. El personal, coordenaa de 'n espert, el lavora sotta di mesur de conteniment speciai e con di speciai vestii de protezion
- BSL-4: a l'è el nivell el pussee alt e l'è doperaa per i germi esotegh a volta mortalità compagn de l'Ebolavirus, de la fever emorragega Congo-Crimea, del virus Marburg, del virus Lassa o del virus del varioeul, di Henipavirus e di Flavivirus e, de solet, de tucc i virus che ghe somejen finna a che l'è provaa che sien minga pericolos. El personal el gh'ha di vestid de protezion personala a pression positiva e per sortìnn bisogan fàss di docc, di camber a voeud e di camber a ultraviolett per eliminà i virus, oltra a 'n elevaa nivell de filtrazion de l'aria che l'è del tutt isolada, insemma ai fluid doperaa.