Pagina principala
(Rimandad de Pagina principale)
|
 Vos in vedrina Una Stadtbahn (ferrovia urbana) a l'è, in di pajes de coltura tedesca, un tipo de tranvia a mità in quell che in del rest del mond a l'è una metropolitana linsgera e 'na metrotranvia. I prime inn stade creade a fin 1800, 'me linie de tram independent del trafegh, e gh'hann havud una resorgenza in di agn '60 e '70 del 1900, indova che despess in stade potenziade e inn stade mitude con di trate sota terra, compagn de 'na metropolitana, o isolade ben del trafegh, despess con l'obietiv de convertìll in metro pussee inanz. Per 'sti sistema a inn stad desvilupad di tram aposta, el pussee famos el Stadtbahnwagen B, e in del 1980 la pupart di cità hann bandonad l'idea de 'n sistema de metropolitana, per via di volt cost, e donca incoeu la pupart di Stadtbahn la fonziona pussee 'me una metropolitana in di zone centrai e pussee 'me un tram foeura. A bon cunt, per la lesg todesca, a gh'è no un ver e propi standard, e inn di tram classegh sota la normativa BOBstrab. El termen Stadtbahn el vegn foeura in del principi di agn '20 in di capitai de Berlin e de Vienna: la Stadtbahn de Berlin a l'era, e l'è anca incoeu, una ferrovia classega che la corr soraelevada e la conliga l'Est a l'Ovest e la gh'ha dent sia di servizzi a longa percorrenza che regionai che locai, soratut de tipo S-Bahn. Anca la Stadtbahn de Vienna a l'era, in principi, una linia ferroviaria pesanta che la serviva la cità, con treni a vapor e senza nanca un passagg a nivell. A la fin de la prima guerra mondial i linie Wiental, Donaukanal e Gürtel inn stade convertide in linie tranviarie svelte con veture eletrighe e in tra i agn '70 e '90 l'infrastrutura a l'è stada sgiornada, con i linie che inn deventade parte di linie U4 e U6 de la metropolitana de Vienna, menter la Vorortelinie la resta 'na ferrovia pesanta e incoeu l'è part de la S-Bahn de Vienna. (Innanz)
 Te 'l savevet che ..._-_Foto_G._Dall%27Orto_-_14-Apr-2007.jpg) El Nedal a l'è una festivitaa cristiana qe la g'ha in tema la nassida de Jesuu (qe i cristian creden 'me el fiœl de Dio), e un dì de festa cultural per qii qe è miga credents. El dì cognossud 'me Nedal al ven festejad el 25 de Dexember. A l'è vun di pussee importants dì de l'ann per i cristian, insema a la Pasqua, quand qe la mort e la resurezion de Jesuu i vegnen festejade. La seson de preparazion del Nedal a l'è ciamada avent e la scomença una domenega plu o manc quater setemane prima del Nedal. El temp natalizi al feniss el 6 de Jener, el dì del Gabinat. El Nedal al ven festejad in tut el mond tant 'me dì relijos o 'me festivitaa dei cristian e qii qe è miga cristian. I tradizion inn devers de paes a paes, ma asquas tute i g'ha dent una cena, far-g ai olter di cadò, nar a messa, e tœr part ind i ativitaa publege compagne de cants di canzon tradizionai. Santa Claus a l'è una tradizion in vari pais del mond (in Italia l'è cognossud cont el nomm de Babbo Natale, qe in lombard al vœl dir Popaa Nedal). (Va inanz)
 In di olter lengovI des Wikipedie con pussee de articoi: Ingles, Cebuan, Todesch, Svedes, Frances, Olandes, Russ, Spagnoeul, Italian, Arab Egizzian Alter lengov minoritari e piscinine: Waray, Basch, Bass azer, Minangkabau, Tamil, Latin, Asturian, Ladin dolomitegh, Marathi, Ocitan
 Un proverbi a cas
"Scarliga merluss che l'è minga el to uss" |
 Ocio!
 WikipediaWikipedia l'è un'enciclopedia libera e portada inanz apena de utent volontari. El so obietiv l'è de menà la cognossenza libera a tucc e in pussee lengov che se po. I nost Cinch Pilaster inn:
Una vos de scriver
 Cossa se po fà?
|