Wikipedia:GrafCat
|
Quest articol chì l'è scrivud in lombard, con la Noeuva Ortografia Lombarda |
In su la Wikipedia in lombard se poden doperà domà di grafie ransgiade e aprovade de la comunità. In su la Wikipedia a l'è mei doperà vuna di grafie panlombarde, ma se poden doperà anca i altre grafie macrodialetai o locai.
Se la grafia del to dialet la gh'è no o te gh'heet di dubi, contata la comunità in del Grot!
La classifegazzion per grafia, in gergh GrafCat, la se fa cont un template aposta. Se se indica el dialet (l'è no obligatori, ma propi consiliad), gh'è de fàll in del template e doperà vun di dialet compatibil, cont el parameter "dial".
Grafie panlombarde Modifega
Grafia NOL Modifega
|
Per savenn pussee, varda l'articol Noeuva Ortografia Lombarda. |
La Noeuva Ortografia Lombarda, in curt NOL, a l'è un'evoluzzion del modell classegh doperad in Lombardia del '600 (lassad de la pupart di dialet, foeura che el macro-milanes, a la fin del '800 per una grafia pussee arenta a l'italian), fada inscì de fonzionà ben per tuta la lombardofonia intrega.
De 'sta grafia gh'è un poo de resorse, compagne del:
- Sit ofizzial
- Dizzionari
- La pupart del Wikizzionari lombard
Per una guida a la grafia, podii lensger la vos che gh'è al principi de la sezzion.
Desgià che l'è una grafia panlombarda, la se po doperà per tucc i dialet lombard. La se marca cont el template {{NOL}}.
Grafia SL Modifega
|
|
Per savenn pussee, varda l'articol Scriver Lombard. |
La Scriver Lombard, in curt SL, a l'è una grafia polinomega assee unifeganta per el lombard, che la se fonda in sui classegh de la literadura lombarda, compagn di test del Belcalcer, Bonvesin e Uguçon.
Resorse:
- Sit ofizzial
- Dizzionari
- Una part del Wikizzionari a l'è scrivuda in SL
- Liber
Per una guida a la grafia, podii lensger la vos che gh'è al principi de la sezzion.
Desgià che l'è una grafia panlombarda, la se po doperà per tucc i dialet lombard. La se marca cont el template {{SL}}.
Grafie macrodialetai Modifega
Grafia insubrica Modifega
|
|
Per savenn pussee, varda l'articol Urtugrafia insübrica ünificada. |
La grafia insubrica la riva del mond mediategh per scriver el Lombard Ocidental e l'è stada ransgiada de la comunità de la Wikipedia lombarda. L'è per la pupart fonetega, ma cont un quai ransgiament paraetimologich.
La se po doperà per tut el lombard ocidental e per el lombard alpin. La se marca cont el template {{LOCC}}.
Grafia oriental Modifega
|
|
Per savenn pussee, varda l'articol Ortograféa orientàl ünificàda. |
La grafia oriental a l'è una grafia desvilupada de la comunità de la Wikipedia in lombard che la se fonda in su la tradizzion grafega del lombard oriental de la fin del '700 a incoeu. La se po doperà per tut el lombard oriental e la se marca cont el template {{LORUNIF}}.
Grafie locai Modifega
Grafia classega milanesa Modifega
|
|
Per savenn pussee, varda l'articol Ortografia milanesa. |
La grafia classega milanesa a l'è la grafia di omenoni de spallera tirada a man del Carlo Porta: nassuda cont el Varon Milanes, a l'è stad el Carlo Maria Maggi a fàlla quella che l'è incoeu. La se marca cont el template {{MILCLASS}}.
La grafia l'è stada doperada a longh per el tut el lombard ocidental, ma cont el temp el so ambient a l'è stad limitad al macromilanes.
Donca, in teoria, se po doperà la milanesa per tucc i dialet ocidentai, ma se in la vosta zona a gh'è no 'na tradizzion grafega milanesa ve consiliom de dà un'oggiada ai grafie panlombarde.
De resorse per la grafia classega milanesa ghe n'è tante: podii doperà i vari dizzionari milanes, de quell del Cherubin a quell de l'Arrighi, de quei del Circolo Filologico Milanese al Beretta. Anca el Wikizionario italian el gh'ha un bon repertori de grafia milanesa.
A l'è ben tegnì a ment che "grafia milanesa" a l'è un termen ombrella per varie scerne che gh'hann in comun di fondament e una tradizzion. Te seet liber de catà quella che te pias pussee, me te gh'heet de restà coerent in di articoi. Insoma, ne va ben sia "piscinina" che "piscininna", ma no in de l'istess articol!
Grafia del Ducat Modifega
|
|
Per savenn pussee, varda l'articol Ortograféa del Dücat. |
La Grafia del Ducat a l'è una grafia tradizzional del bergamasch, per la pupart fonetega ma con di boni element etimologegh, che l'è regolada del Ducat de Piazza Pontida, a Berghem.
A gh'è un bell vocabolari fad su del Ducat, ma se po doperà, cum grano salis, un quaisevoeul dizzionari bergamasch, compagn de quell del Tiraboschi.
'Sta grafia chi la se po doperà domà per el bergamasch. La se marca col template {{BERGDUC}}.
Grafia LSI Modifega
La Grafia LSI a l'è la storega grafia doperada per scriver i dialet de la Lombardia svizzera. A l'è una grafia assee fonetega, ma cont un bell toch de element etimologegh.
Per savénn pussee, ve consiliom de lensger quella guida chì, poeu, se volii, podii doperà i varie resorse in liena del Center de Dialetologia Cantonal o, per i dialet del Grison, el Repertorio.
La grafia LSI la se po doperà per tucc i dialet lombard parlad in Svizzera e per el comasch, indove che l'è tradizzional. La se marca cont el template {{LSI}}
Grafia bressana moderna Modifega
|
|
Per savenn pussee, varda l'articol Ortografìa del Bresà. |
La grafia bressana moderna a l'è una grafia ispirada a la tradizzion leteraria moderna del bressan, soratut a la grafia doperada del Canossi. La se po doperà domà per el bressan e la se marca cont el template {{BREMOD}}.
Grafia cremasca Modifega
|
|
Per savenn pussee, varda l'articol Urtugrafìa cremàsca. |
La grafia cremasca a l'è una grafia desvilupada domà per el dialet cremasch, che la se fonda in su un modell fonetich, con di element etimologegh. La se marca cont el template {{CRES}}.
Categorie Modifega
- Categoria:Articoi in Noeuva Grafia Lombarda
- Categoria:Articoi in grafia insubrica unificada
- Categoria:Articol in ortografia milanesa
- Categoria:Articoi in grafia oriental unificada
- Categoria:Articoi in grafia del Ducat
- Categoria:Articoi in grafia del Bressan
- Categoria:Articoi in ortografia cremasca
- Categoria:Articoi in Scriver Lombard
- Categoria:Articoi in Grafia LSI