Pier Giorgio Perotto
El Pier Giorgio Perotto (Turin, 24 de dicember 1930 – Genoa, 23 de genar 2002) a l'è staa on ingegnee elettrich e informatich italian, progettista de l'Olivetti e pioniee de l'informatega destribuida, inventor de la Programma 101, vun di primm desktop computer de l'istoria.
Biografia
ModifegaNassuu a Turin de 'na familia de origin de Cavaglià, in del 1956 el se laurea in ingegneria elettrotecnica al Politecnich de Turin, indova che l'ann dopo el se laurea anca in ingegneria aeronautica. In del 1958 el deventa liber docent de meccanica.
Carriera in Olivetti
ModifegaIn l'april 1957 a l'è ciappaa dent de la Olivetti che 'l mett a lavorà al laboratori elettronich de Barbaricina, arent de Pisa. In la progettazion de l'Elea 9003 el progetta el Convertitore Bande Schede, bon de interfacciàll ai macchin meccanich de fatturazion. El studia anca on sistema de OCR, mai completaa per i volt cost commercial.
La Programma 101
ModifegaEl progett pussee important del Perott a l'è staa, a bon cunt, la Programma 101, el primm computer de tavol a avègh success commercial. Desviluppaa in tra el 1962 e 'l 1965 a l'è staa vun di primm esempi de computer, anca se limitaa, fazil de doperà e de cost contegnuu. Intant la part elettronica de l'azienda a l'era stada venduda a la General Electric, ma per via de l'ideja de computer personal e monoutent a l'è staa lassaa in Olivetti. In del desvilupp de la P101 l'ha perfezionaa la cartolina magnetica, giamò pensada in di primm studi elettronich, e i micromoduj.
La direzion de l'Olivetti
ModifegaEl deventa dopo vun di dirigent de la Recerca e Desvilupp de l'azienda eporediesa, e 'l guida l'evoluzion de la ditta de meccanica a elettronica e 'l rienter di collega ex-GE dopo che l'azienda l'ha bandonaa, in del '70, i computer.
In tra i sò noeuv prodott i successor de la Perottina (P602 e P652), i computer a BASIC P6060 e 6040 e i terminaj intelligent Olivetti TC 800.
In del 1979 a l'è nominaa president de la neonassuda ELEA SpA, azienda de consulenza e de didattica aziendala.
Dopo Olivetti
ModifegaIn del 1993 el sortiss de l'Olivetti per andà dent in la SOGEA, scoeura de commercc e pocch agn dopo el releva la FINSA, società de consulenza di aziend. In del 1995 el scriv el liber "P101. Quando l'Italia inventò il personal computer" indova el cunta su la storia de la Programma 101.
El moeur el 23 de genar 2002 a Genoa per on tumor.
Recognossiment
Modifega
La soa città de origin, Cavaglià, el gh'ha dedicaa di giardin cont di antich dolmen. Genoa el gh'ha dedicaa 'na via e a Turin a l'è in la lista de attesa di nomm per ona via.
L'Università del Molise el gh'ha dedicaa on'aula. L'Osservatorio San Vittore l'ha dedicaa l'asteroid 12222 Perotto a lu.
Liber
Modifega- Manager 2000, Sperling & Kupfer Editori, 1987
- Il darwinismo manageriale, Edizioni Il Sole 24 ORE, 1988
- L'origine del futuro, FrancoAngeli, 1990
- Il paradosso dell'economia, FrancoAngeli, 1993
- Cambiare pelle per salvare la pelle, FrancoAngeli, 1994
- Programma 101. L'invenzione del personal computer: una storia appassionante mai raccontata, Sperling & Kupfer Editori, 1995
- Come fare carriera nelle aziende dell'era digitale. Manuale scandaloso di management, Franco Angeli, 2001
- P101. Quando l'Italia inventò il personal computer, Edizioni di Comunità, 2015
Riferiment
Modifega- Morto Pier Giorgio Perotto, il padre del Personal Computer
- Piergiorgio Perotto Arqiviad qé: [1]
- Cavaglià ricorda Pier Giorgio Perotto
- Dai grandi calcolatori al primo vero "computer personale" Arqiviad qé: [2]
- TC 800: un sistema innovativo per l'automazione di agenzia Arqiviad qé: [3]
- 12222 Perotto (1982 WA)
- Erzelli: intitolazione della nuova strada a Piergiorgio Perotto Arqiviad qé: [4]
- Torino, vie da intitolare: sì al papà del computer, no a Michael Jackson