Lumbard ucidental Quest articol chì l'è scrivuu in lombard, grafia milanesa.

La piev de Brebbia l'è stada ona piev con fonzion religios e ministrativ in del Milanes, e la gh'eva 'me capopiev el comun varesott de Brebbia.
I sò patron eren San Peder e San Paol.
Citada per la prima voeulta in del 999, in del Medioev l'era ona piev importanta in de la zona de l'olt Varesott, per poeu taccà a declinà in del Renassiment. El Carlo Boromee, rivaa in visita pastoral in del 1545, l'ha deciduu de spostà la sede de la piev de Brebbia (che l'era quasi desabitada) a Besozz, indova che l'è fada su la piev de Besozz.

La Gesa di Sant Peder e Paol

Compagn de tutt i olter piev milanes, l'ha perduu i sò fonzion civil in del 1797.

La cattava dent i comun de Brebbia, Bardell, Barza, Besozz, Biandronn, Bogn, Bregan, Cadrezzaa, Cardana, Cazzagh, Comabbi, Comer, Coeuch, Gaviraa, Malzess, Monaa, Monvall, Olginas, Osmaa, Ternaa, Travedona, Trevisagh, Varan, Voltor.