Polizia ferroviaria
La polizia ferroviaria a l'è la specialità de polizia che la se occupa de protegg l'infrastruttura de la ferrovia, i sò proprietà, i treni, i gent e i merci che ghe viaggen sora. A segonda del sistema pòden vèss di unità speciai de la polizia normala, tant 'me in Italia, di corp specìfich, 'me in del Regn Unii, o di forz privaa de la compagnia.
Per Stat Modifega
Germania Modifega
Quand che la Germania a l'era partida in du a l'Ovest la gh'era la Bahnpolizei, de la Deutsche Bundesbahn, e a Est la Transportpolizei. Cont la reunificazion hinn staa tutt e du giontaa a la Guardia de Frontera che, in del 2005, la deventa Polizia federala.
Italia Modifega
In Italia la Polizia ferroviaria a l'è 'na specialità de la Polizia de Stat e la se occupa de garantì la sigurezza, insemma a la sigurezza aziendala de la Red ferroviaria italiana, e de indagà in sui incident ferroviari.
Polònia Modifega
In Polònia el servizzi de polizia ferroviaria a l'è de competenza di Sorveliant de la ferrovia, corp militar statal.
Regn Unii Modifega
In del Regn Unii de la nazionalizzazion de l'infrastruttura del 1948 la British Transport Police l'è 'l servizzi de polizia ferroviaria. Prumma ògni compagnia la gh'eva la soa polizia.
Russia Modifega
In Russia la gh'è 'na sezion del Minsteri di Interni che la se occupa de controllà la sigurezza e la qualità di treni.
Stat Unii Modifega
In di Stat Unii la pupart di compagnij la gh'ha la soa forza de polizia. Minga tucc, però, i gh'ha i pien poder de polizia.
Svizzera Modifega
In Isvizzera finna a la fin di agn '90 tucc i operator de la ferrovia gh'even di limitaa poder de Polizia e donca el gh'era nò 'n autorità appòsta. In del midemm period a hinn staa mittuu di tréni suburban senza capotreno e 'l gh'è staa 'n aument de la criminalità. Per quèlla reson lì i Ferrovij Federai Svizzer han istruii di agent de Bahnpolizei. In del 2002 la se uniss al servizzi de sigurezza de la Securitas AG per fondà Securitrans, che anca incoeu la protegg l'infrastruttura.
In del 2011 a l'è istituida la Transportpolizei: i sò mèmber a hinn di impiegaa statai addestraa 'me polee e cont i midemm poder de la polizia cantonala.