Prima Curinz Capitel Sedes

Quel articul chì l'è scrivüü in Lumbard, cun l'urtugrafia insübrica ünificada.

Prima Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Sedes

¹E sü i catad che hinn per i sant cuma huu urdinaa a i gés de la Galazia, fee anca vialter. ²Una völta ogni stemana ognidün de vialter el gh'avarìa de mètt arént sé medemm mügiand quajcossa se 'l pruspera, perchè catad süceden no quand vegni. ³E quand rivi, chissessìa gh'avessuv pruaa, per mèzz de léter i mandi per purtà el voster regall a Gerüsalèmm; ⁴E se l'è dègn che vuu anca mì, andarànn cun mì.
⁵E vegnaruu a vialter quand saruu passaa per la Macedonia: già che passi per la Macedonia, ⁶e forsi restaruu o passaruu l'invèrn arént de vialter, perchè vialter me manduv inanz due vaghi. ⁷Già che vöri no vedèv adèss in de passada, già che speri de restà un quaj témp arént de vialter, se 'l Signúr el permètt. ⁸E restaruu a Efes fin a Pentecost: ⁹già che una granda e ativa porta me l'è dervida, e gh'hinn tant che hinn upost.
¹⁰E se mandi Timotee, vardee che 'l végna a vialter sénza pagüra: già che 'l fa 'l laur del Signúr cuma mì; ¹¹dunca, nissün el gh'avarìa de desprezàll. E mandeel in de pas, perchè 'l végna a mì; già che 'l speti cunt i fradèj.
¹²E sü l'Apoll el fradèll, l'huu esurtii tant de vegnì a vialter cunt i fradèj; ma certamént l'era minga la sua vuluntaa vegnì adèss; ma 'l vegnarà quand en gh'avrà l'upurtünitaa.
¹³Stee sü, tegnii sald in de la féd, che siuv curagiús, che siuv fort. ¹⁴Tüsscoss de vialter gh'avarìen de vèss faa in del bén.
¹⁵E v'incuragi, fradèj--cugnussii la famèja de Stefana, che l'è la primizia de l'Acaia, e hann assegnaa sé medemm, al ministéri di sant--¹⁶a vèss sutamèss anca vialter a taj personn e a tücc che lauren insèma e travajen. ¹⁷E gh'huu letizia de la vegnüda de Stefana, Fortunatt e Acaich, perchè hann impienii sü la vostra mancanza; ¹⁸già che hann daa 'l requià al mè spirit e 'l voster; dunca, recugnussii taj personn.
¹⁹I gés de l'Asia ve salüden. Aquila e Prisca ve salüden tant in del Signúr, cun la gésa che l'è in de la sua cà. ²⁰Tücc i fradèj ve salüden. Salüdeev el vün i alter cunt un basìn sant.
²¹El salüd l'è per la mia man, Paul. ²²Se quajdün el vör minga bén el Signúr, che 'l sia anatema! Maran atha. ²³Che la grazia del noster Signúr Gesü Crist la sia cun vialter. ²⁴Che 'l mè bén la sia cun tücc vialter in del Crist Gesü.

Navigaziun

• ← Indree a Capitel Quindes
• Inanz a Segunda Curinz Capitel Vün →
• A l'indes