Prima Timotee Capitel Quater

Lombard Occidental Quel articul chì l'è scrivüü in Lumbard, cun l'urtugrafia insübrica ünificada.

Prima TimoteeModifega

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel QuaterModifega

1E 'l Spirit el dis espressamént che in di ültim témp quij andarànn via de la féd e darànn atenziún a spirit imbrujant e insegnamént di demun, 2in de l'ipucrisia di büsard, de quij che s'hinn marcaa i sò propi cusciènz, 3de quij che impeden[1] de spusà, de quij che se tegnen luntan de paciatori che Diu l'ha creaa per el ricev cunt el dà de grazi di fedèj e de quij che hann savüü la veritaa. 4Perchè ogni creadüra de Diu l'è bona e nissün l'è bütaa via che l'è ricevüü cunt el dà de grazi: 5già che l'è faa sant per mèzz de la parola de Diu e de petiziún.
6Se te pruvedaree chèstcoss a i fradèj, te saree un bun minister del Crist Gesü, istrüii cunt i paroll de la féd e 'l bun insegnamént che t'hee pedanaa fedelamént; 7E refüda i mitt prufann e de donn vègg. E esercitet per la pietaa: 8già che l'esercizi del corp l'è ütil per un puu, ma la pietaa l'è ütil per tüsscoss perchè la gh'ha una prumèssa de vida adèss e che l'è dree a vegnì. 9La parola l'è fedéla e dègna de tüta acetaziún: 10già che per chèst travajum e cumbatum, perchè èmm speraa in de Diu vivent, che l'è 'l Salvadúr de tücc i vèss üman e spezialamént di fedèj.
11Cumanda chèstcoss e insegnaj. 12Nissün el gh'avarìa de desprezà la tua giuentü, ma che te siet un esempi di fedèj in de parola e cundota, in de bén, in de féd, in de püritaa. 13Fin che vegni da atenziún a la letüra[2], l'incuragiamént, l'insegnamént. 14Lassa minga andà el regall che l'è in de tì, che 'l t'è staa daa per mèzz de la prufezia cun l'imponn di man di anziann. 15Pensa sü chèstcoss, dedichet té medemm a chèstcoss intregamént[3], perchè 'l tò prugrèss el sia ciar a tücc. 16Tenet té medemm sald a l'insegnamént, resta[4] in de lur: già che se te fee chèst, tì te salvaree té medemm e quij che te senten.

  1. Mil. impedissen
  2. l'è de dì, di Scritür
  3. leteralamént, seet in chèstcoss
  4. o persevera

NavigaziunModifega