Red interurbana di tram de Milan

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

El nom red interurbana di tram de Milan el se referiss a tutt i lign de tram interurban che in passaa conligaven la cittaa de Milan cont i paes pussee lontan de la sò provincia e cont ona quai cittaa vesina.

Diferentement di alter provinz lombard e piemontes, la costruzion di chesta red chì la gh'ha seguitaa minga on pian deciduu da la Provincia: la red a l'è vegnuda-sù perchè di privaa ottegniven i concession a i Deputazion provinciaj compettent. Per i primm agn de attivitaa, i lign a hinn staa esercitaa di vari societaa fin a la fin di agn trenta inquand, ecettuaa ona queigheduna, l'esercizzi di lign interurban che funzionaven anmò a l'è passaa a l'ATM de Milan.

Depos ona fila de desmission avegnii intra i agn sessanta e 'l prenzipi di agn vottanta e depos la sospension, in del 2011, del servizzi de la tramvia Milan-Desi, de la veccia red la gh'e restada domà la tramvia Milan-Limbiaa.

Struttura de la red

Tranvii costruii da la ‘’Societaa Anonima di Omnibus’’ (SAO), poeu esercitaa da la Edison, poeu anmò da la ‘’Societaa Trazion Eletrica Lombarda’’ (STEL) e a la fin da l’ATM:

Milan – Monscia (1876-1966);
Milan-Còrsich-Biagrass:
- Milan-Còrsich (1884-1914 e 1956-1966);
- Milan-Biagrass (1914-1956);
Milan-Affer-Limbiaa:
- Milan-Affer (1882-1915);
- Milan-Vared (1915-1920);
- Milan-Limbiaa (1920, anmò in esercizzi).

Lign di ‘’Tramvii Interprovinciaj Padan’’ (TIP), poeu gestii da la STEL e da ATM:

Milan-Vimercaa (1880-1981);
Milan-Gorgonzoeula-Vaver:
- Milan-Vaver (1878-1968);
- Gorgonzoeula-Vaver (1968-1978);
Villa Fornaci-Cassan-Trevij-Careass:
- Fornaci-Trevij (1880-1883 e 1917-1931);
- Fornaci-Careass (1883-1917);
- Milan-Villa Fornaci-Cassan (1931-1972).

Alter tranvii:

Milan-Lòd (1880-1931), esercitada da la TIP;
Milan-Pavia (1880-1936), esercitada da la ‘’Societaa per i Ferovie del Ticin’’ (SFT) e poeu da la societaa gestora la Milan-Magenta-Castan (MMC);
Milan-Magenta-Castan (1878-1957), esercitada da la MMC, poeu da ATM;
Milan-Legnan-Gallaraa, esercitada da la ‘’Societaa Anonima di Tramways e di Ferovie Economich de Romma, Milan e Bologna’’ (TFE) e poeu da la STIE:
- Milan-Gallaraa (1880-1951);
- Milan-Legnan (1951-1966);
Milan-Sarònn-Tradaa, gestida da la TFE e poeu di Ferovie Nòrd Milan (FNM):
- Milan-Tradaa (1877-1915);
- Milan-Sarònn (1915-1925);
Milan-Caraa/Giussan:
- Milan-Seregn-Giussan (1881-1958);
- Milan-Seregn-Caraa (1886-1982);
- Milan-Desi (1982-2011).

La cittaa de Milan la gh'ha anca ona red de tram urbana. Sora el territòri provincial a gh’eren alter lign di tram. Monscia la gh’aveva ona red interurbana di per lee formada da lign che la conllgaven (in period divers) a Cusan, Caraa, Trezz e Bergom, Cantuu e Voggion. Lòd a l’era servida da lign di tram che rivaven da Bergom e da Soncin, esercitaa da la TIP. Poeu pasma Sant Angiol se incrociavan trii lign de tram: vuna che la rivava da Meregnan, derivazion de la Milan – Lòd, vuna che conligava l’andava a Pavia e vuna dirigiuda a Lòd.

Bibliografia

Giovanni Cornolò, Fuori porta in tram. Le Tranvie extraurbane milanesi 1876-1980, Parma, Ermanno Albertelli Editore, 1980. (ISBN miga dispunìbil)

Vos ligaa

Alter progett

Wikimedia Commons el gh'ha dent imagin o alter archivi su Red interurbana di tram de Milan