Lumbard ucidental Quest articol chì l'è scrivuu in lombard, grafia milanesa.

La Tranvia Milan-Limbiaa a l'è stada ona linia tranviaria interurbana che la conliga Milan, zona de Comasina, a Limbiaa. A l'è gestida dal 1939 de l'ATM che la numerava 179.

Tranvia Milan-Limbiaa
Tipolojia linia tranviaria interurbana
Stats
Italia
Territore
Milan
Monça e Brianza
Prencepe Milan
Fin Limbiaa
Vertura 1882 (Milan-Affer)
1915 (Affer-Vared)
1920 (Vared-Limbiaa)
Serrada 1999 (Milan-Affer)
2011 (Affer-Comasina)
Operador ATM
Vegg operador SAO (1882-1900)
Edison (1900-1919)
STEL (1919-1939)
Classificazion linia 179
Veture motris elettrigh bidirezionaa
Scartament 1.445 mm
Lungeza 11,6 km
Varie diramazion Affer-Bruzzan (1932-1961)
Traçad
istruzion 

Storia Modifega

A l'è nassuda in del 1882 comé tranvia a cavall interurbana per conligà Porta Volta ad Affer, comun autonom a l'epoca.

In del 1900 la Edison la ciappa el controll del servizzi per eletrifegàlla, e in d'on para de mes a l'è faa.

Ad april del 1913 cont on Regio Decrett la Edison l'è autorizzada a slongàlla finna a Vared, e 'l 15 de november del 1915 a l'è completaa el noeuv tocch.

Da la fin del 1919 la linia a l'è gestida de la STEL, che l'ha poeu ottegnuu in del 1924 el controll de la tratta Vared-Limbiaa e l'ha mittuu la tranvia in sed protegiuda.

In del 1934 a l'è slongada da Affer a Bruzzan per 900 meter.

L'epoca ATM Modifega

El 30 de giugn del 1939 la linia la va sotta la gestion ATM. In del 1952 a l'è modifegada, cont la reduzion di pendenz e l'unificazion del capoligna cont quell de la Milan-Desi.

In del 1959 a hinn progettaa i lign celer de la Brianza, che avarien sostituii 'sti tramvij cont on sistema de metrotranvia. A la fin a l'è staa faa no, ma l'ha beneficiaa di motris di lign celer de l'Adda.

Dopo del 2000 a l'è stada sarada pussee de 'na voeulta per permett di reparazion a la linia e sostituii cont on servizzi de bus.

Caratteristich Modifega

La linia l'è a scartament ordinari di tram de Milan, ossia 1'445 mm, e a binari unich, cont di raddoppi per permett i precedenz e i scambi. Gh'è on deposit a Vared.

La linia a l'è elettrificada a 600 volt a correnta continua, e la circolazion a l'è regolada del Dirigent Unich de Milan.

Bibliografia Modifega

  • Giovanni Cornolò, Fuori porta in tram. Le Tranvie extraurbane milanesi 1876-1980, Parma, Ermanno Albertelli Editore, 1980. (ISBN miga dispunìbil)

Alter progett Modifega

Vos correlaa Modifega