RegioExpress
RegioExpress a l'è 'na categoria de servizzi ferroviaria italiana, svizzera e romena, che la fa on servizzi de tipo regional ma cont on numer limitaa de fermaa.
Per Stat Modifega
Italia Modifega
Trenitalia Modifega
In del 2004 Trenitalia la decid de sostituì el treno dirett cont el RegioExpress (RExp), ma la decision la resta mìnga applicada.
Trenord Modifega
Trenord la gestiss 13 lign de RegioExpress, che corrisponden al servizzi del treno regional velos faa in di alter Region e conlighen di center importànt cont pocch fermaa.
I lign, tipicament cadenzaa a ògni ora o ògni dò or, a hinn:
- RE 1: Laven - Vares - Saronn - Milan
- RE 2: Berghem - Pioltell - Milan
- RE 3: Bressa-Isee-Edol
- RE 4: Domm-Milan
- RE 5: Port Ceresi-Vares-Gallaraa-Milan
- RE 6: Verona-Bressa-Milan
- RE 7: Comm-Saronn-Milan
- RE 8: Tiran-Sondri-Lecch-Milan
- RE 10: Bellinzona - Ciass - Comm - Milan
- RE 11: Mantoa - Cremona - Codogn - Lod - Milan
- RE 13: Lissandria - Voghera - Pavia - Milan
- RE: Ciavenna - Colich - Milan
SAD Modifega
La SAD del Sudtirol la ciama RegioExpress i treni de la ferrovia de la Val Venosta che fermen no in tucc i stazion e che riven finna a Bolzan.
Svizzera Modifega
In Isvizzera el RegioExpress a l'è a mità in tra treno regional e InterRegio e hinn gestii di Ferrovij Federai Svizzer e di àlter compagnij privaa, tant 'me BLS.
Romania Modifega
In Romania i RegioExpress a hinn di treni regionai acceleraa e che fermen in men stazion di regionai.