Richard Castle
El Richard Castle (1 de april del 1969, nomm complett Richard Edgar Alexander Rodgers Castle) l'è 'l protagonista de la serie TV Castle interpretaa dal Nathan Fillon. Famos scrittor, el jutta la Kate Beckett a resolv on cas compagn de quell de vun di sò liber, ma poeu la collaborazion la deventa duratura.
 |
Quest articol chì l'è in la Vedrina de la Wikipedia |
|
.jpg)
Biografia Modifega
| Questa vos o sezion la pò contegnì di anticipazion in su la trama e/o el final de 'n oeuvra. |
|
Per savenn pussee, varda l'articol Kate Beckett#Biografia. |
Scittor fioeu de 'na spia di servizzi segrett american che l'ha mai incontraa, che l'ha juttaa tanc voeult in segrett, e de 'n attriss de teater l'è 'n famos scrittor in crisi creativa dopo avè coppaa el sò personagg principal Derrick Storm. El Sindegh de New York, amis del Castle, el ghe da l'autorizzazion a collaborà cont la detective Kate Beckett per resolv on cas compagn de quell de vun di sò liber, e la collaborazion la devegn poeu duratura in del temp.
A l'inizzi i eren minga tropp amis, ma la bellezza de la Beckett l'incanta subit el Castle, ma poeu da attrazion la vegn proppi amor, che 'l Castle ghe deciara no finna che, longh el funeral del capitan Roy Montgomery, mort per salvàlla de quej che voeuren coppàlla per avè investigaa in sul misterios cas de la sò mader, on cecchin el ghe spara e la res'cia de morì. Lee la gh'ha 'n amnesia e donca la recorda no la deciarazion però.
Successivament vegnen sempre pussee complis in del sò rapport, e in d'on moment dur, dopo che l'ha vist 'n attentaa in TV, el proeuva a deciaràss a la Kate, ma el vegn interrott de 'n detective. Pocch dopo la Beckett la dis se recordàss tuscoss de quand che han provaa a copàlla, e donca lu el se intristiss e inversa assee, ma el resta in del dipartiment de polizia.
L'amor Modifega
On poo dopo el se deciara, e vist che la Beckett la voeur suttà a investigà e res'cià la vita el se lontana, ma 'l ghe salva la vita quand che l'ha res'ciaa de borlà giò de 'n palazz, taccada de l'omm che l'ha squasi coppada.
E quand che la Beckett la se dimett de detective, la va a cà del Castle per deciaràss anca lee, e la quarta stagion la finiss cont on basin spassionaa. A l'inizzi de la quinta, inveci, fann sess, e vegnen squasi descovert de la mader del Castle.
El di che la sò fioeula la gh'ha de 'ndà al College el luccia per el destacch, ma el pensa a la soluzion del cas.
La frequentazion Modifega
Scomicen a frequentàss in secrett, e vann in vuna di cà del Castle. La Beckett l'era dré a sbiotàss, ma on mort el borla in la piscina del Castle e lu el voeur indagà: Prima ostegiaa de la polizia local, poeu el passa la vacanza a indagà cont la Beckett.
El collega Ryan el descovrissen grazia a 'n testimon in comun de l'indagin però, ma el resta citto innanz ai alter.
El vegn squasi incastraa de 'n killer, ma poeu la Beckett la troeuva i proeuv per scagionàll. A la fin però el proeuva a mazzài, ma el Castle eroicament el ghe spara cont la pistola de la Beckett, ma el pensa che 'l sia minga mort e che anca quella la fuss 'n altra macchinazion per tornà a coppà.
El sò primm Denedaa cont la Kate el gh'eva de vess gramm, vist che la sò fioeula la gh'eva de 'nà a mangià cont el sò moros e la Beckett la gh'aveva de lavorà, ma poeu la Alexis la resta in cà e quand che lu el sortiss per nà a trovà la Beckett la se la troeuva innanz, la fa andà dent e la basa innanz i sò parent.
El se preoccupa fiss quand che la sò fioeula la derva on vlog e, coaudivaa de 'n cas de revenge porn che l'ha menaa a 'n omicidi, per pagura di stalker digitai, ma el troeuva subit de noeuv el ligamm cont la fioeula.
Per el Di de San Valentin, el primm cont la Beckett, el Castle el voreva regalàgh, cont ona sorpresa, di oregitt, ma ja mett in la giacca de la Capitana Gates, cont on biliett assee romantich.
Quand che 'l descovrissen se preoccupen de bon, anca perchè lu el se regorda no se 'l biliett l'era nominal. A la fin l'era no nominal e donca el ciappa domà ona sgidada per el biliett, inadatt a 'na donna maridada 'me la Gates.
La Beckett inveci el ghe regala inveci on cassett in la sò cà, per fàgh cavà i vestii e fà sess.
El rapiment de la fioeula Modifega
Comé on fulmen a ciel seren el descovriss che l'Alexis l'è stada rapida insemma a 'na soa amisa, fioeula de 'n ricch egizian.
El se preoccupa fiss, e 'l pensa pussee de 'na voeulta che la sia morta. Quand che lee la riess a ciamà el pader con Skype i agent del FBI i riess a intercettà la ciamada a Paris, e lee la riess a sortì in sul tecc e la ved la Tour Eiffel.
El va donca a Paris e 'l se mett in contatt cont on omm che el governo frances el droeuva per fà di operazion secrett e che 'l promett de trovàlla. Inveci 'na voeulta capii l'importanza di rapitor el consegna Castle a lor, che l'è salvaa in extremis de 'n omm present in di identikit de la Polizia de Noeuva York. Pocch dopo, anca grazia a ona ciamada de la Becket, el descovriss che 'l ver obietiv del rapiment l'era l'Alexis, rapida per vendicàss de l'omm che l'ha salvaa lu, che dopo 'l ghe dis che l'è el sò popà. A la fin, cont on pian tattich, riessen a salvàss tucc.
L'incident e l'anniversari Modifega
El va a schià e 'l se s'ceppaa 'na gamba e la Beckett, cont el jutt di alter polee e di parent del Castle, la organizza on fals omicidi per fàll divertì e intrigà.
El finiss cont on fals rapiment de la Beckett e con tucc i polee che fann irruzion per poeu descovrì che l'era ona sorpresa per el sò anniversari.
La bomba Modifega
Longh on'indagin in su 'na bomba la Beckett la innesca ona bomba sconduda in del paviment, e in del menter i artificee la desattivaven lu l'è restaa vesin a la Beckett.
Quand che i artificee pensen che 'l ghe sia pu nagott de fà lee la capiss che in la sò vita l'ha voruu domà 'na personna: Castle.
E semper lu el riess, cont on zicch de ingegneria social, a descovrì el codes per desattivà la bomba.
La proposta Modifega
La Kate la ricev 'na suplega de lavorà assee allettanta de part de la Polizia federala di Stat Unii, dopo avè demostraa la sò bravura ai federai in d'on cas compartii in tra i dò polizij. La fa tuscoss in secrett, e lu el se inversa de bon quand che 'l descovriss la question.
Quand che lee el va a dìgh de pensà de accettà el lavorà lu el ghe fa la proposta de matrimoni.
El tossich Modifega
La Beckett la accetta on noeuv mestee federal a Washington DC e donca la resta lontana del Castle. Vun di dì che gh'even de incontràss la Beckett l'è ciamada per on important cas de sicurezza nazional, e donca lu el sgora de lee.
Quand che la Beckett la perd 'na proeuva lu el scomincia a indagà indeperlu, e l'è vist de vun di sospetaa, che poeu el rapiss e 'l moeur in macchina cont lu
Cont i indagin el vegn foeu che l'è staa velenaa, e che anca lu l'ha ciappaa del tossich e che 'l ghe resta on dì de vita. L'è salvaa, a la fin, in extremis grazia ai indagin e al retrovament de l'antidot.
El se inziga poeu in d'on cas de New York de 'n attor coppaa, poeu ciappaa de la squadra federala de la Beckett. El ghe insubiss anca de andà a viv a Washington cont lee, ma l'è interrott de la partner de la Beckett che la ghe dis che l'è licenziada.
L'indagin cont la fioeula Modifega
Dopo avè risiaa cont l'Alexis per el sò noeuv moros, invadent e fruttarian, se troeuven a indagà insemma in d'on cas in Pennsylvania de on condanaa a mort che per lee, laureanda in giurisprudenza, l'era innocent.
Cont tanc difficoltà, anca per via del condanaa che 'l pensava che el colpevol el fuss el fradell, han trovaa i proeuv che incolpaven el fioeu del sceriff e che han faa evità la condanna a l'imputaa a on dì de l'esecuzion.
El killer Modifega
In d'on indagin cont di coppaa ch'eren di sosia di polee de New York el troeuva in tra i indiziaa, grazia al modus operandi, el killer che l'aveva incastraa on quaj ann prima.
A l'inizzi la Beckett l'era assee in dubbi, ma poeu la pensa che el gh'abia reson e ne parla cont la capa Gates.
El cas cont el popà Modifega
Circa on ann dopo del primm inconter cont el popà el troeuva anmò cont ona falsa identità, e l'è poeu indagaa per omicidi, quand che 'l pader el va a fàss curà a cà del Castle dopo avè ciappaa ona pallottola l'è trovaa de la Beckett, che 'l descovriss chi l'è che 'l saria staa el sò suocer, vist ch'eren dré a scernì el dì del matrimoni.
Se troeuven poeu a ciappà ona spia cont ona lista di agent de la CIA, e la spia la ciappa el Castle, che l'è salvaa in extremis del popà che 'l cortella la spia e poeu la mazza, el mena via el corp ma lassa la pistola per permett a la polizia de resoeulv el cas. La mader del Castle, in 'sto period, la se convinc che lu l'era l'omm giust, e 'l Castle el decid, anca se 'l gh'eva de presentà on liber, de sposàss a settember.
In del frattemp la Alexis la molla el moros, ma la voeur restà a viv indeperlee per demostràgh al papà de vess bona de fàll. Però, dopo 'na ciciarada cont la Beckett, la torna a viv a cà del Castle.
Matrimoni e descomparsa Modifega
Dopo di preparativ el gh'ha de ciappà la licenza de matrimoni, ma quand che vann a fàlla descovrissen che la Beckett in realtà a l'è sposada, e donca la va a cercà el sò marii per nullà el matrimoni.
Però a l'è rapii, e in del cercàll troeuven di motociclista che 'l marii el ghe dev di danee, armaa pesantement. El ghe da 500 dollar per calmài, e intant che 'l cerchen anmò descovrissen che l'era inzigada la mafia, vist che 'l marii el gh'eva 'na foto de on mafios recercaa, che i cattura tucc. Quand che ponten ona pistola a la Beckett lu ja mena in l'appartament cont i motociclista, che desarmen i mafios e consegnen el recercaa a l'FBI per la recompensa.
Intant che l'era dré andà al matrimoni, a l'è menaa foeura strada de 'na vittura e 'l descompariss per 2 mes. Retrovaa in su 'na barchetta, a l'è menaa in ospedaa, indova l'ha perduu la memoria.
Inizialment tucc i proeuv de la polizia menen a lu, comé se l'avess faa on fint rapiment, ma poeu se descovriss on fals testimonian che 'l da support al Castle.
La pista de Montreal Modifega
Longh on'intervista a la television el mett ona taja per quej che i gh'ha de informazion in sul sò period de amnesia, a l'è prima contattaa de vun che 'l ghe dis ch'eren insemma in d'ona navetta spaziala, ma poeu el ricev ona foto interessanta de lu a Montreal. El troeuva dopo di recerch cont la Alexis ona cassetta de sicurezza cont dent di bust e di sched de memoria per Alexis, Kate e la mader cont on tender messagg de addio.
Grazia a la collaborazion de l'informatega del Distrett el troeuva el canton del video, el ghe va e 'l troeuva el fals testimoni, armaa, che 'l ghe dis che a vorè desmentegaa a l'è staa proppi lu, e per provàll el ghe dis on secrett che l'ha mai dii a nissun.
El torna donca a New York cont di alter dubbi, e 'l decid cont la Kate de spettà ona quaj settemana prima de sposàss.
La botta in sul coo e 'l matrimoni Modifega
La mattina, prima de lavorà, el parla cont la Beckett de l'eventualità che se fussen mai cognossuu, e se disen, per rid, che lee la saria capo del Distrett, e luu l'avaria venciuu el premi Pulitzer.
In su la scena del delitt el ciappa on amulett magich, e però riven i criminaj che lancen ona granada flashbang, e per scappà el sbatt el coo, e 'l se troeuva in d'on univers indova effettivament la Beckett a l'è deventada capitana, ma lu a l'è squasi fallii e la sò fioeula el oeudia, per quell. El proeuva a inzigàss in la Polizia dopo avè descovert in su la Red che 'l podeva vess on cas de viagg interunivers.
Dopo de on poo de indagin el descovriss sì che la Beckett la gh'ha avuu success, ma che l'ha resolt no el cas de la mamma, e che anca Esposito e Ryan a hinn no maridaa. Quand che l'è rapii di lader che voreven savè el fonzionament de l'amulett a l'è salvaa de la Beckett, e per salvàlla el ciappa on para de pallottol in del pecc.
E li el se desseda, e 'l descovriss de la "soa" Beckett che l'ha ciappaa 'na botta in sul coo. El ghe cunta su el soeugn, e deciden de sposàss subit, vist che hinn restaa insemma anca in di moment pussee gramm.
La luna de mel Modifega
Voreven fà la luna de mel, ma la Beckett la podeva no, perchè per spettàl l'ha doperaa tucc i sò dì de ferie.
Però quand che i gh'ha de fà on cas in d'on ranch turistich de l'Arizona ciappen l'occasion per divertìss e in del menter investigà.
Descovrissen che gh'è la possibilità che 'l ghe fuss on tesor d'on, ma in del cercàll troeuven on corp, e cont i indagin de New York descovrissen che l'assassin a l'era el capo del Ranch, che l'era dré a bev cont lu.
Donca quand che 'l sentiss el s'ceppa el cellular del Castle, che per fermàll tira foeura el sò souvernir, on revolver, e 'l capo a l'è menaa via de la Beckett e de la polizia local prima de la sparatoria.
Riessen poeu a fà quater di de ferie, donaa di collega de la Beckett.
Investigator privaa Modifega
Castle, grazia a la soa passion per el poker, el cognoss on poo de mafios, e per descovrì el sassin de vun el gh'ha de collaborà cont la mafia. Sta roba chi la ghe pias no a la Polizia, e donca el Sindegh el ghe cava via l'autorizzazion a stà in la polizia.
El fa donca on cors on line per deventà investigator privaa, e fà i indagin per sò cunt. Inizialment, in del noeuv cas, la Beckett a l'è scettica, ma scomincen poeu a scambiàss informazion e riessen a resoeulv el cas domà cont la collaborazion de tucc e du.
Triplo omicida e retorn in polizia Modifega
In d'on indagin troeuven anmò el triplo omicida, che l'eva giamò provaa a incastràll, e 'l riva anca, 'sta voeulta, a rapì la Beckett. El menascia cont ona pistola el sosia, e donca a l'è menaa via per aggression, ma liberaa pocch dopo cont i accus anmò in pee.
El parla cont el vegg compagn de cella e 'l capiss indova el pò vess. El se accorda cont la polizia per ona scorta silenziosa e cont el Javier Esposito 'me cecchin. El se fa rapì e spiegà perchè l'ha faa tuscòss e poeu lu el ghe spiega de la polizia, che 'l ghe spara del veder de cà. Intant del telefon de la dottoressa, complicia de l'omicida, identifichen la Beckett e la salven.
El procurator poeu el fa borlà i accus de aggresion in cambi de 1000 or de consulenza comé perii, ossia el fa retornà in polizia.
On quaj di dopo la soa mamma la ghe dis che la sortirà de cà.
Resoluzion de la descomparsa Modifega
El sutta fà di soeugn recorrent in d'ona foresta tropicala indova che 'l gh'è ona sparatoria cont on omm che 'l somilia a Chuck Norris e poeu el jutta on omm medioriental, colpii de 'n proiettil. El va poeu de on analista, ma vist che 'l soeugn a l'è arent a la soa situazion de la descomparsa la Beckett la comincia a indagà: Se al principi la pareva irrealistica troeuven poeu, grazia al contatt de Esposito al Pentagon, quell che 'l somiliava a Chuck Norris, e descovrissen che l'è staa coppaa, e cont l'indagà riven a on famos killer a pagament russ, ex agent del KGB. Lu l'indaga indeperlu e troeuva l'omm medioriental, che 'l ghe cunta su la storia, che lu, sò vegg amis, l'era andaa dent in Al Qaeda, e quand che 'l voreva consegnàss a la CIA el sò contatt a l'è staa mazzaa e lu l'ha domandaa 'na personna de fiducia e assee importanta da vess coppada no, donca Castle. El scappa in macchina poeu, e Castle l'è raggiunt del killer russ, che però l'è mazzaa de l'agent che l'eva incontraa a Montreal, che 'l ghe dis che 'l sò rapiment l'ha salvaa desinn de miliaia de vit e de cuntàll a nissun.
L'indagin in sgor Modifega
Longh on sgor per Londra i assistent de sgor troeuven on Air Marshall coppaa in d'ona valigia, e scomincen a indagà, luu e la Alexis, per trovà el sassin, cont el jutt de terra de la Beckett e de la dottora legala Lanie Parish, che la Alexis l'ha faa on stage de lee.
Inizialment accusen on omm medioriental cont on passaport robaa, e pensaven che 'n fuss terrorism, ma el cunta su 'na storia convincenta, e donca sutten a indagà.
Troeuven poeu on telefonin de l'agent coppaa, cont di messagg menascios, e donca fermen anca ona sospettada, cont ona pistola in la borsa. La cunta su che l'era la morosa de l'agent, e anca se a terra a hinn convint che 'l sia finii el cas lu a l'è anmò intenzionaa a indagà.
Descovrissen donca che l'agent l'aveva ricevuu on bonifich de circa 10'000$, e che l'era faa per protegg on orelogg che 'l vareva circa 13 milion, mandaa cont on corrier uman. Capissen donca che l'è staa on robalizzi, faa per forza de on member de l'equipagg, che 'l se presenta cont la pistola sequestrada.
La Alexis la convincc la hostess a mett giò l'arma e l'è menada via a Londra.
El cas de la maschera Modifega
Indaghen poeu in su 'n cas de 'n omm mascheraa che 'l tocca personalment luu, che l'era staa menasciaa de quell li quand che 'l gh'eva 11 agn.
El deventa on poeu on crugg per lu, che 'l sutta avè di flashback de 'na ragazza morta, coppada del killer. In di indagin vann a incontrà el psichiatra de 'n sospettaa, e lu el recognoss la vos.
Su suggeriment de la Beckett el va donca, abusivament, in la cà del psichiatra, e 'l troeuva tucc i proeuv, ma pocch dopo a l'è beccaa del killer che 'l ghe ponta on cortell a la gora, la Beckett la proeuva a andà dent ma la riess no, donca la passa a lu la pistola, e 'l ghe sbara.
La sera el va a ritirà on premi assee prestigios, e 'l dedica a la Beckett.
Beckett capitana Modifega
El primm di de capitana Modifega
El primm di che la Beckett a l'è offizialment capitana lu el ghe regala on brazzalett bell debon, ma hinn interrott de 'na telefonada, che lu el pensava de 'n call centre.
Quand che 'l riva al sò offizi de investigator descoviss che la sò fioeula l'ha dii pussee de 'na voeulta che l'era soa socia e che l'ha resolt di cas e che l'ha falsificaa la soa firma per fàll passà 'me stasg, e l'è staa anca on poo content.
Però a l'è prest ciamaa del Distrett, che 'l ghe dis che gh'è staa on omicidi e che la Beckett a l'era rivada no, e donca de vegnì lu, che però el troeuva in del sangh el brazzal che l'eva regalaa la mattina a lee, e donca el cas el deventa incentraa in su la soa descomparsa.
Descovrissen che gh'è dree anca on cas de robalizzi de identità, e Castle el scomincia a indagà cont 'n investigatora de la compagnia assicurativa, Hayley Shipton, che la gh'ha avuu el robalizzi, e cont lee el descovriss on deposit de armi de assalt e 'l coinvolgiment del Senator Bracken, interogaa in preson e poeu mazzaa.
L'è però rapii in del sortì de la preson, e l'è menaa in d'ona fabbrica di traversin ferroviari. Torturaa, el scappa e l'è salvaa in extremis de la Beckett, che la scappa.
Tornaa al sò offizi, riess a trovà 'n indizzi essenzial, trovaa anca de la Beckett, e se troeuven in del midemm post.
Tornada anca lee a cà, la voeur andà via per on poo de temp, per decid cossa fà de la soa vita, e lu el pensa che 'l sia finii el matrimoni.
Dopo de la fuga Modifega
Dopo che la Beckett l'è ndada via de cà lu el sutta pensà che 'l gh'abia de reconquistàlla, e donca, grazia a la soa licenza de investigator, el sutta a andà dent in di sò cas cont l'ideja de conquistàlla comè ha faa la prima voeulta, ossia cont el reoeulv di cas insemma.
La Beckett, inizialment rabiada, la deventa pussee contenta dopo che resoeulven on quaj cas, e quand che se troeuven a lavorà cont ona sciora esperta de parfum e cont on nas assee fin se lassen in cà di vestii de snasà, dopo avè finii, insemma, el cas.
Collabora poeu de noeuv cont el poliziott violent, che 'l res'ciava 'na sospension perchè l'avaria robaa di robb a 'n omm menaa via: Per pocch el moeur, ma riessen a salvàss cont ona mossa de ball intant che la rivava la polizia.
Intant che 'l fa de mediator in tra Ryan ed Esposito, in litt perchè Ryan, distratt per avè superaa no l'esam de sergent superaa de Esposito, l'ha sbaraa in la gamba de Esposito, l'insubiss dopo a la Beckett de "mett in pausa la pausa" per el sò primm anniversari e donca de andà a cena insemma, lee la accetta ma al moment de dormì insemma la desmentega el telefonin e lu el riess a legg on messagg che 'l ghe fà intuì la storia de la fuga.
La covertura Modifega
Grazia a la sò noeuva amisa investigatora el descovriss la vera storia de la separazion, ossia che la Beckett l'era dré a indagà in sui omen ch'even provaa a mazzàlla e per mettél no in perigol l'ha preferii slontanàss.
Lu, offenduu, el ghe dis che podeva dìghel e che poeu avarien combattuu insemma, e accetta de perdonàlla, vist che lee l'ha domandaa jutt per batt 'sto nemis, e de tegnì la separazion 'me covertura per res'cià men.
Cont i poliziott, per vess credibil, inventa de avè tradii la Beckett cont ona modella russa de nomm Svetlana.
L'omicidi innanz a lu Modifega
Ciamaa in cà de 'na sciora che l'eva vinciuu 'n asta per ona lettura privada del sò liber, in l'andà a la toalett el ved 'na giornalista in del sangh cont on'altra vesina che la scappa.
In del process lu a l'è convint de la soa colpevolezza, ma l'avocatt defensor, che anca se lu el sa no l'è 'l indagaa principal de l'affar Loksat, el ghe mett on dubbi denter e lu donca el sutta a indagà e per podè interrogà l'indagada el se fà menà via e 'l fa finta che abien robaa in la cà de la giudes. El convincc poeu la Beckett a indagà e 'na voeulta ciamaa a testimonià per la defesa, el recognoss in l'aula el colpevol che l'è menaa via, e l'è rengraziaa de l'indagada, in del frattemp liberada.
El russ Modifega
El cas dopo el ved coinvolt el fioeu de on diplomatich russ, e Castle el gh'ha de collaborà cont on poliziott russ sò gran fan, che però l'è on agent del FSB, che 'l rapiss per interrogà on sospett de vorè coppà 'n omm a l'Ambassada.
Poeu però la Beckett la ciama la soa matrigna, che l'è 'na spia, per interrogà 'sto agent, e lu el cognoss donca la miee del sò popà, che 'l ghe conferma che 'l pader el sta ben.
L'enigma Modifega
A l'è invitaa del Stephen King a on colloqui, ma inveci a l'è rapii e mittuu in d'on aula de scoeula, sigillada e videosorveliada, insemma ad alter du omen maridaa e on pastor evangelista.
Riessen a scappà dopo che vun a l'è mort, e incontren el grupp analogh di donn, cont dent la Beckett.
In la fuga i gh'ha de tegnì ona leva per dervì 'na porta, e capissen che el pastor, restaa con lu, a l'è el responsabil, e che voeur mazzà vun de lor. Intant che deciden chi mazzà, Castle el desvita la leva e la tira in testa al pastor, che l'è poeu menaa via di SWAT.
Se descovriss poeu che i sò gent, psichiatra, even faa 'na roba compagna cont lu e la soa giomella, e che l'ha mazzada perchè voreva domà denonziai senza fàgh del mal.
El flashback cont Loksat Modifega
Longh de 'n indagin indova el gh'ha de mangià corean el gh'ha on flashback, de trovàss in Corea a mangià quella ricetta. El ved poeu, de nocc, la scritta Hollywood, e 'l capiss che l'era Little Korea a Los Angeles.
El va, insemma a la fioeula e la detective soa amisa Hayley Shipton, a indagà a Los Angeles, ma prima el gh'ha de indagà in su 'n omicidi, che poeu el mena a on cas de New York.
La Alexis la ved in d'ona foto de on indagaa la Hayley, e lee 'l ghe dis che la voeur parlà cont el Castle, e 'l ghe dis che lee al principi a l'era assoldada del sò popà per scortàll in la mission CIA, ma poeu l'ha perduu quand che l'è rivaa a Los Angeles e l'han dii che se 'l Castle el voreva savè la verità el gh'aveva de vedè on video in sul Deep web, protegiuu de 'na password ciappada de on sò test mai publegaa.
In del video el se dis che l'è on idiota a vedè 'sto video ma che l'era dré a scappà de Loksat, che l'era ona pista tropp pericolosa. Li el capiss de avè mittuu in pericol la Beckett, ma el voeur suttà a indagà a quell pont.
Decid donca de dìll a la Beckett, e per combatt insemma deciden de mett fin a la falsa separazion e de tornà insemma anca nominalment.
El dubbi de la Hayley Modifega
La Hayley a l'è poeu coinvolta in d'on cas de omicidi: Convinta de installà domà on spyware in sul computer de ona ditta, in realtà la installa on virus faa anca de lee quand che l'era in del MI6, cont l'obietiv de incastràlla.
In fuga a l'è fermada de la Alexis, e la cunta su tuscoss a Castle che, insemma a la Beckett, decid de investigà e capisen che l'era on'azion del sò vegg partner di servizzi secrett, creduu mort ma anmò viv, che intant el gh'eva mittuu 10 milion de dollar in sul cunt.
Tucc credeven che la fuss stada 'na soa omission a mazzàlla, ma a l'è staa no inscì, ma a la fin el mazza verament. I servizzi ghe insubissen de tornà, ma lee la preferiss restà in la soa "noeuva familia", e l'è brasciada su di Castle.
La fin Modifega
Grazia al jutt de l'avocatt Caleb Brown e 'l sò cellular riessen a organizzà on'imboscada, luu, Kate, Hayley e l'espert informatich Vikram Singh. A l'è però on'imboscada, e riceven la notizia che Brown a l'era mort, ma riva l'omm che luu l'eva cognossuu a Los Angeles, capo de la Società di Investigator, che 'l ghe da di arm per defendes e 'l dis de vess staa mandaa de la miee del sò popà.
El decid de andà al distrett ma a l'è rapii in su 'n taxi, e l'è portaa del "brasc dester" de Loksat che 'l ghe da el saron de la verità per savè chi l'è che 'l saveva de Loksat. Interrogaa de Loksat in persona, che 'l se rivela in del capo de la società, pocch prima de l'iniezion mortal la Polizia de New York la fa irruzion in 'sto edifizzi de la CIA, e la salva Castle, ma hinn intrappolaa in d'ona sparatoria.
El mett donca sotta saron de la verità el sò aguzzin, che 'l ghe dis indova mazzaran la Beckett, e sfonda el mur per rivàgh cont ona pistola, che l'è pero attratta di magnett de la zona. In la distrazion però la Beckett la ferma Loksat e i forz speciai fann irruzion per salvàj.
Rivaa al distrett hinn onoraa 'me di eroj, e vann a cà a possà. Intant che la Beckett l'era in sul lecc a cavàss i scarp e lu el voreva cusinà vergott el va dent el Brown in cà che 'l ghe sbara cont el silenziator, e la Beckett la sent e la sbara, ma la resta ferida.
El futur Modifega
Dopo de la sparatoria se ved on scorcc de dopo sett agn, che ved in la cà trè fioeui e lor che stann anmò insemma, e se intend che donca hinn sopravvisssu a la sparatoria.
Personalità Modifega
Castle a l'è assee infantil in del comportàss, e despess el se fissa in su di robb che per i alter a hinn di stupidaa.
A l'è on poo complottista, e 'l troeuva despess di teorij fantasios che ghe metten dent i servizzi secrett, i alien o di alter robb comé i Illuminaa.
A l'è assee gelos, soratutt in di confront de la sò fioeula Alexis, e de facc el voeur controllà tucc i sò moros.