Kate Beckett

Quest articol chì l'è scrivuu in lombard, grafia milanesa.

La Kate Beckett (17 de november del 1979) l'è vun di personagg principai de la serie TV Castle, interpetaa da la Stana Katic. L'è 'na detective, poeu promovuda capitana, de la squadra omicidi de la Polizia de New York e, da granda lettriss di sò romanz, la se troeuva a collaborà cont el Richard Castle dopo avè vist on omicidi compagn de vun d'on sò romanz.

Vedrina

Quest articol chì l'è in la Vedrina de la Wikipedia

Stana Katic

Biografia

Questa vos o sezion la pò contegnì di anticipazion in su la trama e/o el final de 'n oeuvra.

Donna de grand valor, l'entra in Polizia per descrovì la verità in su la mort de la mader, cas irresolt. Lilinscì la incontra el Richard Castle, dopo che 'l sindegh de New York el ciama per jutàlla a resolv on cas compagn de quell de vun in di sò liber.

Castle

El Castle el se innamora de la Beckett, tant da avègh dedicaa el sò noeuv personagg Nikki Heat, che poeu el gh'ha on roeul determinant in d'ona puntada indova on maniach el proeuva a coppàlla per el personagg.

Intant el Castle el proeuva a descovrì pussee in su la mort de la sò mader, cas misterios anmò vert in quell moment, che 'l gh'aveva denter di poliziott corrott e intervent di politegh e mafios.

La mort de Montgomery

A la fin de la terza stagion la Beckett la descovriss che 'l sò capo, Roy Montgomery, l'era coinvolt in del cas che l'ha portaa a l'omicidi de la sò mamma. Però lu per salvàlla di omen, i so vegg amis, che voeuren coppàlla el se sacrifega. Al sò funeral parla la Beckett, che però l'è colpida de on cecchin. E lilinscì el Castle, prima casciaa via de lee, ghe deciara el sò amor e ghe domanda de restà con lu e de morì minga.

Dopo vess squasi morta de arrest del coeur, a l'è operada e salvada di medegh, ma la gh'ha avuu 'n amnesia e donca la recorda no la deciarazion del Castle.

Dopo tri mes senza ciamàll, la torna al Distrett, indova però gh'è ona capa assee severa, ma la sutta a indagà per di vij travers, semper cont el jutt del Castle, tornaa in Polizia grazia a la sò amicizia cont el Sindegh. Però pocch dopo dis al psicolegh de la polizia de recordàss tuscoss de quell che l'è suceduu.

El morosattà cont el Castle

In d'on cas de robalizzi de 'n oeuvra d'art la riva 'na perita de l'assicurazion che l'è 'na bella tosa che la intriga subit el Castle. Lee la vegn proppi gelosa, tant de provà a ostacolà la collaborazion in tra la perita e la Polizia voruda de la sò capa.

Quand che la perita, ex ladra d'art anca lee, la vegn sospettada, el Castle el gh'ha de distràlla per permett a la Beckett de pequisì la sò camera, e quand che lee la voeur andàgh con lu per fàj sortì la basa innanz a lee, che inveci de scappà el ghe vosa dré.

A la fin, quand che la perita la va via la Beckett ghe dis che 'l Castle l'ha semper creduu in la soa innocenza, ma lee la bandona el Castle e 'l ghe dis che lee la roba no i ròbb di alter, in riferiment a la sò attività de ladra, pussee etica in del robà di oeuver sequestraa, per esempi.

Dopo de 'n cas che se troeuven manetaa cont ona tigher arent, se lancen on mugg de frecciatin, e a la fin la Beckett ghe dis al Castle che la prossima voeulta el voeur fàll senza la tigher. Ciarament Castle l'era sorpres per l'affermazion de la Beckett.

Dopo avè vist in diretta a la television 'n attentaa terroristegh, el Castle, su consili de la mader, el proeuva a deciaràss cont lee, ma l'è interrott de 'n detective che l'ha trovaa 'na noeuva pista per resoeulv l'attentaa, ma dopo, longh l'interrogatori de 'n sospettaa, l'ammett innanz del Castle de regordàss tuscoss de quand che gh'hann sbaraa al coeur, donca anca la sò deciarazion d'amor, e lu el scappa via del departiment de polizia, trist. In del midemm period la parla cont la dottora legal del sò departiment che 'l ghe dis che l'è strana e che la gh'ha de deciaràss anca lee, ma la voeur no per pagura de perd l'amicizia cont el Castle. Ma quand che lu el riva in Ferrari cont di donn lee la dis nagott. La refuda anca 'n appontament cont on bell poliziott ingles per lu, ma quand che 'l va con vuna di donn de la Ferrari lee la reciama l'ingles.

L'amor cont el Castle

Grazia al jutt del psicolegh de la Polizia, la capiss che la res'cia debon de perd el Castle, che dopo ses mes de attesa el podaria avègh trovaa 'n altra strada, vist i sò noeuv frequentazion in tra i donn e i poliziott.

Quand che el Castle el va cont on poliziott violent che 'l sping on indagaa a cuntà 'na balla lee, volontariament, el ghe da di proeuv che scagionen l'imputaa e donca, grazia al sò jutt, resolven debon el cas.

In del frattemp, pocch dopo avègh squasi desmentegaa el sò tentaa omicidi, in d'on alter cas se troeuva el DNA del sò aggressor, e 'l Castle impaurii proeuva a fàgh cava via el cas, per paura che la moeur.

In del midemm period Castle el ghe confessa el sò amor e 'l facc de 'vègh tegnuu sconduu la pista perchè lu la ama, ma lee la se inversa per el facc e donca resien, e lu el ghe dis che l'è finida, perchè 'l voeur mia vidè la Kate trasà la soa vita per 'na causa.

El noeuv tentativ de sassini

E de facc el midemm di a l'è taccada, e squasi buttada giò de 'n palazz e salvada del Castle. Sospenduda del servizzi, la se dimett de agent. E la va a cà del Castle, per dìgh che in quell moment lu l'era el sò unich pensee e che anca lee voreva lu. Donca la quarta stagion la finiss cont on basin spassionaa.

El primm dì che fann sess a hinn interrott, dopo avè consumaa, de la mader del Castle, che la voeur dì al Castle che la Alexis l'ha ciappaa la ciocca e donca la gh'ha de scappà in fretta e furia, dopo avèlla sconduda in l'armoar, e poeu vann a fà l'amor a cà de la Kate, ma anca li a hinn interrott de 'n alter detective che voeur proteggij. E donca scomincen a indagà per capì indova l'è finii l'omm che 'l voeur coppà lee e quell che, grazia al Montgomery, l'è dré a proteggéla.

El troeuven, squasi mort, cont i document brusaa in del sò camin. Ma dopo de la recerca a hinn catturaa de l'assassin, tal Maddox, che i ha legaa in d'on palazz, ma hinn salvaa de l'alter agent sospenduu del servizzi. La cambra poeu la s'cioppa per on sistema de protezion, che 'l coppa el sassin e 'l fà a tocchei el dossier, tocchei che poeu a hinn unii de noeuv per provà a ciappà di informazion che menen a la descoverta de 'n cunt bancari, che 'l partegnia a 'n Senator, vegg procurator de Stat a New York, e che per lor l'avaria ciappaa di tangent e che 'l voeur scond el tutt per candidàss President.

A la fin la va de 'sto senator per fà 'n accord de spantegà no i document in cambi de vess al segur, e 'l ghe fa on taj, che 'l lassarà on segn, per fàghel recordà. I sò amis pensen che lee la voeur mazzà el senator, e donca la cerchen, per calmàss quand che capissen che l'è suceduu nagott de gramm.

La frequentazion

Scomincen a frequentàss privatament, senza fàll savè ai collega. On di che vann a 'na cà lontana del Castle, lee la se sbiotta denanz de lu ma on corp mort el finiss in la soa piscina, e la polizia local la scambia per 'na donnascia, per poeu menaj via quand che 'l Castle el voeur a tutt i cost indagà in su l'omicidi in la sò cà. El collega Ryan el descovriss che eren insemma grazia a 'n testimon in comun de l'indagin, ma el scerniss de sta citto innanz ai alter polee.

Però quand che tornen descovriss che 'l Castle l'è inzigaa in d'on cas, e i sò omen i gh'ha de menàll via. Lee 'l voeur jutàll a tucc i cost, ma i polee descovrissen cont i dacc che 'l gh'aveva 'na relazion e che 'l aveva architetaa 'n omicidi compagn de quell, e lee l'è in granda difficoltà, anca se poeu se descovriss che l'è stada 'na granda macchinazion fada de 'n killer ricercaa che la Polizia de New York l'ha mai trovaa. E quand che a l'è portaa via di fals poliziott, la se preoccupa fiss, anca se poeu la capiss che hinn di agent del Castle e donca el va a trovàll in biblioteca, primm canton che lee l'ha manetaa lu, comé la gh'eva faa capì in d'ona discussion de prima.

A la fin troeuven i proeuv per scagionà el Castle e parten per el distrett, ma hinn ferma de 'na vittura e poeu la gh'è stada 'na sparatoria e 'l killer la ciappa, e 'l Castle, eroicament, el ciappa l'arma de la Beckett per sbarà al sassin e salvàlla.

Poeu, on di che la gh'è 'na troupe televisiva al distrett a hinn ciamaa in del offizi de la capitana e pensen de vess staa beccaa, ma in realtà hinn staa domà sgridaa per avèlla scherzada quand che l'era dré a parlà ai telecamer.

Quand che la frequentazion la devegn pussee seria i sò gent se incontren, e resien per via de la differenza social: la mamma del Castle teatrista e 'l papà de la Beckett avocaa, e i dò de descoraggen, per poeu retrovàss dopo che la Becket l'ha pinsaa che 'l Castle el fuss mort in d'on assalt a 'na macchina che l'era su. Quand che tornen al distrett descovrissen, cont piesè, che i sò gent hinn deventaa amis.

El primm Denedaa insemma el gh'eva de vess on poo brutt, vist che la Beckett l'aveva scernuu de lavorà, per cascià via el regord del primm Denedaa senza la sò mamma, e la Alexis la saria stada cont el sò noeuv moros. A la fin però la Alexis la resta a cà, e la Kate la riva dal Castle, che la invita a mangià cont lor e la basa spassionatament innanz de la sò mama e de la sò fioeula.

A gh'è on moment de crisi quand che la ex miee del Castle la va a cà soa per curà la Alexis, malada de mononucleosi, però poeu se cognossen mej, cenen insemma e la sortiss che 'l Castle el ghe pias pussee.

L'indagin per el Senator

I vit de la Beckett e del Senator se inconten anmò quand che dopo de 'n omicidi troeuven on pian per mazzàl e on fusil de cecchin. Donca, vist che tutt quell che l'è suceduu in tra i du l'era mia publich, se troeuven a collaborà e la Beckett, dividuda in tra el vorè la vendetta per la mader coppada e la giustizia, la troeuva on primm incriminaa ma cont i sò indagin la descoviss on possibil coinvolgiment pussee in alt: A l'inizzi el Senator el pensa a on complott de la Beckett per ostacolàll, ma quand che la bomba la s'cioppa in la macchina del Senator, che l'era foeura, el se sentiss in debit con lee.

'Sto cas chi l'ha mettuu de bon a la proeuva la Beckett, che oltra a sbarà no al primm sospettaa in fuga l'era tentada de brusà ona proeuva importanta, ma poeu el gh'ha avuu la mej el sens de giustizia.

San Valentin

Per el Di de San Valentin el Castle el voreva regalà, cont ona sorpresa, di oregitt a lee, ma ja mett in la giacca de la Capitana Gates, cont on biliett assee romantich.

Quand che 'l descovrissen se preoccupen de bon, anca perchè lu el se regorda no se 'l biliett l'era nominal. A la fin l'era no nominal e donca el ciappa domà ona sgidada per el biliett.

La Beckett el ghe regala inveci on cassett in la sò cà, per fàgh cavà i vestii e fà sess.

Quand che rapissen Alexis lee la resta a New York per lavorà cont i agent del FBI e la và no a Paris cont el Castle.

L'anniversari del Castle

Dopo che 'l Castle el s'è s'ceppaa 'na gamba a schià, lee la organizza cont la complicità del distrett de Polizia e de la mader del Castle, direttora de 'na compagnia de teater, on fint omicidi in del palazz denanz al sò che 'l finiss cont on fals rapiment de la Beckett che 'l fa andà tucc dent in del palazz per fà la festa de anniversari del Castle.

La fa ingelosì fiss el Castle quand che la se troeuva a studià el cas de on tentaa omicidi che l'ha coppaa la persona sbajada cont obietiv on donnaroeu miliardari e lee a l'è mettuda 'me scorta per lu, soratutt perchè primma l'eva on poo risiaa cont lu perchè l'ha preferii giugà ad on sbaratutt che "giugà" con lee, biotta.

Vun di dì, quand che lee e el sò protett s'eren squasi basaa, on cecchin el sbara e lee 'l butta giò, ma poeu el confessa subit al Castle che 'l capiss che 'l gh'ha no de preocupàss.

Quand che a la fin de l'indagin el Castle el ghe insubiss de fàgh on massagg lee, dopo che 'l miliardi el gh'ha faa pensà, el ghe domanda indova hinn dré ad andà, e lu el ghe respond "in la stanza de lecc".

El fidanzament

La bomba

Se troeuven a indagà in su 'n bombaroeu quand che la Beckett la innesca, cont el camminà sora, 'na bomba e se la se moeuv la s'cioppa. Donca la comincia a ciciarà cont el Castle in sui primm contatt, i primm resiaa, i primm contatt fisegh e l'amor, e a la fin la se preoccupa cont el sperà che 'l vaga tutt ben.

Riven anca a ciamà vun di detective per domandàgh chi el s'è inamoraa per primm de l'alter.

La situazion la devegn grama quand che l'autor el se coppa e i artificee capissen che gh'è on timer e che i sò riferiment a hinn blindaa, e pensen che la ghe sia pu speranza per lee.

Quand che manchen 10 menut i gh'ha de salutàss senza nanca podè basàss per via de l'innesch. In di presunt ultim minut de la sò vita la pensa al Castle e che 'l voeur debon domà lu, che però el torna, ma lu 'l invita ad andà via, ma poeu riessen a trovà 'na teoria in di ultim menut e a trovà el nomm del fioeu del bombaroeu, che l'era el codes per fermà la bomba, a on quaj segond del s'ciopp.

Quand che la riva la Capa Gates i invita a basàss e la ammett de savè tuscoss in sul sò amor.

La proposta

La partecipa poeu a on cas important cont on agent del Procurator General di Stat Unii che 'l nota la sò bravura e la invita ad andà a lavorà a Washington DC comé agent federal.

La fa el colloqui e, anca grazia ai referenz daa de la sò capa Victoria Gates, l'è scernuda per ona task force federala de l'FBI.

L'ha parlaa no de la quistion al Castle, che de facc el se inversa debon quand che 'l descovriss, e tucc e du se fann di domand in sul sò futur, la Beckett ne parla cont el sò popà, che 'l ghe dis che la sò mamma l'avaria voruu che la lavorass a nivell federal.

Donca la va al parchett per parlà cont el Castle, che 'l tira foeura on anell de fidanzament e 'l ghe dis che quajlasia la sò scerna lu el voeur restàn visin.

El lavorà federal

La accetta poeu el lavorà a nivell federal e la va a viv a Washington DC, capital de la Federazion. Quand che la gh'ha de tornà a New York per stà cont el Castle l'è coinvolta in d'on cas important de on dispositiv crittografich robaa, ma el Castle el va lu a trovàlla e 'l scomincia indagà quand che 'l troeuva ona foto che lee l'ha perduu. L'è poeu rapii de on sospettaa che 'l moeur in macchina cont lu, e per quest a l'è interogaa di federai.

El se descovriss poeu che el sistema crittografich a l'era domà on diversiv per robà on'arma chimica inscì forta de vess mia doperada nanca di soldaa e che, per i medegh, l'ha velenaa anca el Castle, e 'l ghe dann domà on dì de vita.

Dopo de 'na longa indagin a troeuven el responsabil de la sgrafignada, ma el Castle el svegn e lu el scappa e 'l sbara squasi a lee, che l'è salvada in extremis de la sò collega, e anca el Castle a l'è salvaa in extremis di medegh cont l'antidot.

La se troeuva poeu a gestì on cas insemma a la polizia newyorkesa, de 'n attor coppaa, e l'è assegnaa ai federai perchè l'era ona spia russa.

El Castle el ghe dis de avè crompaa 'na cà a Washington per stà con lee, ma ghe disen che a l'è licenziada per avè faa 'na boffada a la stampa.

El tornà a New York

L'è no subit reintegrada in la polizia de New York, per colpa de on blocch di assunzion. Quand che però ona accusada de omicidi la domanda al Castle de jutàll, cont el ciappà di ostagg, anca lee la jutta a resoeulv el cas. Quand che 'l se descovriss che la accusada a l'è la fioeula natural de on grand amis del capo de la polizia de New York lu, per rengraziàj, la fa reintegrà la Beckett, cont l'obbligh de vess professional in del lavorà cont el sò amor.

El "triplo omicida"

Se troeuven poeu a indagà in d'on cas che i vittim i eren di omen che somejaven assee a vun di detective, Esposito, e a la dottora legala de la Polizia, Lanie Parish. Quand che descovrissen che el magazzin di proeuv l'ha perduu di proeuv important in sul triplo omicida, l'omm che temp prima l'eva provaa a fà condanà el Castle per omicidi, pensen per via del modus operandi che 'l sia staa lu, che però in teoria a l'è mort, e donca resten citto per fà no dagn al dipartiment.

Vers el matrimoni

Discuten poeu per scernì la data per sposàss, per permett al Castle de presentà el sò noeuv liber. Se troeuven a indagà in su 'na personna strana, che l'è el pader del Castle, e lee 'l descovriss quand che la va a domandàgh se la Alexis l'ha recognossuu quell omm, giamò present in di identikit de New York, vist che l'era dré sorveliàlla.

Cont el sò jutt riessen a rivà a la spia che 'l pader del Castle l'eva intercettaa, e che l'era anca l'assassini del cas. Dopo che 'l Castle l'era staa squasi mazzaa, lu el coppa la spia e 'l lassa la pistola per permett de resoeulv el cas. A la fin el Castle el ghe dis che 'l pader l'ha spostaa el corp in la sò giurisdizion per doperà lu 'me esca de informazion, ma lee, contrariament a la sò tipica freddezza, el ghe dis che forsi l'ha faa per stà con lu e fàj indagà.

A la fin el Castle el scerniss de sposàss a settember e de spostà la data del matrimoni. Però poeu i giornai parlen de 'n possibil retorn de fiamma in tra de lu e la sò veggia miee, oltra che editora. Ciarament lu el desmentiss, ma lee, anca se a l'inizzi la voreva privacy, la fa publegà on annonzi de fidanzament in sul giornal de New York.

La mission

Vist che la parla russ, a l'è ciamada per fà ona mission indova la gh'ha de fà finta de vess ona spacciatora russa, ma la descovriss che in realtà a l'è ona sicaria, e la proeuva a inzigàss in l'organizzazion. Originariament creduda di criminai, quand che ghe conceden de parlà cont el capo l'è recognossuda de lu, inzigaa in del cas de la mader.

L'è donca torturada e portada in d'on bosch per vess mazzada, ma l'è salvada in extremis de la vera sicaria, che la ghe dis de 'vègh rescattaa on debit.

La capiss subit donca che in realtà el capo de l'organizzazion a l'è el Senator, che lee l'aveva salvaa e che ora l'ha salvaa lee, e che ora che l'è pu in debit l'è assee a ris'c.

'Na voeulta tornada la scomincia a preparà el matrimoni, e la mader del Castle la sutta a inzigàss. Per calmàlla el Castle la fa partecipà a on cas de vun cont on problema a la ment che 'l pensa de viv in di agn 1970 e lee, attris, la gh'ha de trasformà el distrett in d'on distrett di agn 70. El fa assee ben, ma la capa Gates, foeura per on convegn, la torna prima e ja becca, ma quand che organizzen 'na festa a tema ja perdona perché 'l ghe pias ballà.

La scomincia poeu a giugà a Scarabee cont Castle, anca se lu a l'è on scrittor lee l'è pussee brava e 'l batt despess, e donca cambien gioeugh a favor del strip poker.

La risoluzion del cas de la mamma

Menter 'l Castle l'era dré a pubblicizzà i sò liber la Beckett la scomincia a indagà in su l'omm che l'eva tegnuda presonera, Vulcan Simmons. La va dent anca in del sò magazzin dopo che 'l gh'è staa on omicidi li arent, ma la gh'ha de andà via vist che i proeuv, ottegnuu cont ona perquisizion illegala, sarien staa minga valid. Ciarament, per via del ligamm cont lu, la capa Gates la ghe cava via el cas.

L'è però reconvocada quand che la vittima a l'è Simmons. Giamò malvista per el fatt de vess stada vista in la zona di testimon, l'è indagada di affar interni e quand che 'l medegh legal el troeuva ona balla sbarada cont la soa pistola de reserva in del coro de Simmons la scappa a la svelta per fàss no menà via.

In del frattemp la torna dal Castle, tornaa del tour posticipaa a dopo el matrimoni, e deciden de andà prima in motel e poeu de scappà in Canada. Prima però parlen cont l'omen designaa del Capitan Montgomery, che 'l ghe dis che a gh'è ona cassetta perduda che la pò incastrà el Senator Bracken.

In del motel a l'è però rapida di omen del Bracken, che voeuren coppàlla, maa se defend assee ben e la resta viva, anca se cont ona ferida a la crappa.

Cont lee minga coscenta parten per el Canada, e rivaa in Vermont lee la gh'ha ona vision del sò vegg capitan Montgomery che la prima voeulta che l'ha vista l'ha parlaa proppi de ona cassetta, e la capiss che la cassetta a l'è de lu, ma che l'era no in di oggett sò o de la mamma.

La gh'ha donca on'ideja, e la ordina al Castle de tornà a New York. Cont el jutt di sò detective la va dent in cà soa e la legg l'agenda de la mamma, e la capiss che effettivament la cassetta a l'era del Montgomery. Però i omen di affar interni se insospettissen e fann irruzion, donca lee, Castle, Ryan ed Esposito a hinn menaa via.

Lee però la gh'ha, denanz de la soa scrivania, on'inluminazion, e la derva la statoetta di elefant de la sò mamma, e dent a gh'è effettivament la cassetta che, scoltada, la da a la polizia i proeuv che 'l Bracken l'è inzigaa in d'on quaj omicidi, anca quell de la madre de la Beckett.

Donca, longh on'intervista, la riva e la mena via el Senator per omicidi, denanz di telecamer.

El matrimoni

I gh'ha de ciappà la licenza de matrimoni e donca vann in l'offizi de l'anagrafa. Quand che domanden i document del divorzi al Castle lu i da, e descovrissen che la Beckett, de giovina, a l'era stada sposada cont on sò vegg moros, dopo de 'na nocc algolega a Las Vegas.

Donca lee la va la ricerca del marii per fàgh firmaa i document per nullà el matrimoni, e descovrissen che l'è ona persona strana e cont di precendent piscininn.

Lu el ghe domanda de ciappà 'na roba de la soa ex prima de firmà, el fa ma a l'è rapii prima che lee 'l poeuda dàgh di document.

Intant el Castle el riva, e gh'è on poo de rebelòtt: Prima la brusa la location, e donca Alexis e la mamma del Castle deciden de sposàss in la cà di vacanz, poeu el se bagna el vestii: Per lee l'era squasi on segn, e 'l Castle la ghe dis che tucc i storij pussee bej hinn cont di difficoltà.

In del cercàll troeuven di motociclista armaa che 'l sò "marii" el ghe dev di danee per avè robaa on telefonin, el Castle el ghe da 500$ per calmài e suttà a cercàll. Dopo el troeuven in d'ona cassina, e lu el ghe dis de 'vègh, in d'on insemma de foto hot de on prevet in sul telefonin robaa el gh'era anca la foto de on mafios recercaa, e quand che sortissen de la cassina a hinn catturaa di sò omen che voeuren i foto.

El Castle ja manda in del appartament, indova i mafios, armaa domà di pistol, a hinn recolt di motociclista armaa de mitra e fusil, e ciappen el mafios 'me rembors, per ciappà la soa taja mittuda de l'FBI.

Riessen poeu a fà firmaa al marii el nullament, e quand che riven a la location el sò popà el ghe da el vestii de sposa de la mader, e la mamma del Castle la ghe da on para de oregitt de familia.

Castle el descompariss

Quand che l'era dree rivà al matrimoni l'auto del Castle la va in d'on foss, e donca lu el riva no. Lee l'è poeu ciamada, e la riva e la ved la macchina che la brusa, e la luccia.

Però la nota che in realtà lu l'è no dent, e dopo di testimonianz pensen che 'l sia staa rapii, e on mafios amis del Castle a l'è coinvolt. Interogaa, i sò informazion menen a di video che mosten che quell che l'ha organizzaa i robb a l'è proppi Castle.

Intant passen on para de mes, e 'l Castle a l'è trovaa viv in su 'na barca de la Guardia Costiera, e 'na voeulta analizaa de la dottora legala Lanie Parish che la troeuva che 'l gh'ha avuu la Fever Dengue, malattia tropicala, e on proiettil in la s'cenna, el proeuva a descovrì cossa l'è success, vist che l'ha perduu la memoria.

Quand che vann de vun di testimoni, descovrissen che l'era in testimon fals, e donca i polee ciappen de noeuv fiducia in luu, dopo avè pensaa che la fuss 'na scusa per sposàlla no.

Soeugn del Castle e matrimoni

Lungh de ona sparatoria el Castle el ciappa 'na botta in testa, e 'l sogna on mond alternativ indova lu l'ha collaboraa cont on alter detective, e indova lee l'è la capitana de la polizia, e luu a l'è mezz fallii, per avè scritt no Nikki Heat ma on liber mezz romantich.

Quand che 'l se desseda, convint che l'era no on sogn, el ghe cunta su tutt a lee, e deciden de sposàss, perchè riessen a stà insemma in mezz de tucc i difficoltà.

Donca fann ona cerimonia privada, domà cont el papà de la Beckett, l'offizial del Stat Civil, la mamma del Castle e la Alexis.

La luna de mel investigativa

Dopo che se hinn sposaa voreven fà la luna de mel, ma han poduu no perchè lee l'aveva doperaa tucc i sò ferij per cercà lu in quej du mes.

Però quand che i gh'ha de indagà in su 'n ranch turistich in Arizona troeuven on compromess, ossia indagà longh la vacanza.

Dopo che descovrissen che l'omm che cercaven a l'era proppi el gestor del Ranch, che 'l era squasi dree a sbarà al Castle, el fann menà via, e i sò collega ghe regalen du di de vacanza l'un per fàgh fa la luna de mel.

El triplo omicida

Troeuven ona morta cont ona plastica fada de la dottora giamò indagada per el sò rapport cont el triplo omicida, in teoria coppaa del Castle, ma in realtà anmò in vita. A l'è donca menaa via, però se descovriss che l'è on sosia, operaa anca lu. Troeuven poeu on'altra donna in pericol, che al principi la voeur no vess juttada ma poeu la accetta e la ciama la Beckett, che l'è però drogada e portada via del ver triplo omicida, intant che la dottora la scappa cont el sosia del distrett.

Scomincen donca i recerch de la Polizia e del Castle, e lee intant la se desveggia ligada a on lecc, cont la dottora che voreva staccàgh la faccia, ma pocch prima la riess a liberàss cont i ongg e a mazzà la dottora. Intant Castle e la polizia la rentraccen, e la salven. Poeu el Castle a l'è reintegraa in la Polizia, dopo 'n quaj mes de lontananza per avè collaboraa cont di mafios.

La promozion

La fa l'esamm per deventà capitan de la Polizia, e l'è convocada pocch dopo del Comand General, che 'l ghe sbatt in fascia tucc i sò error, i sò violazion de la legg e 'l rapport cont el Castle, e che per lor la gh'avaria nanca de vess detective. Lee la se inversa debon e la respond a ton, e i comandant ghe disen che in realtà a l'era on test del caratter e che, oltra che capitan, voeuren anca candidàlla al Senad di Stat Unii.

El primm di de capitana

El primm di de capitana el Castle la ghe fa on gran cadò: On brazzalett assee prezios, e l'è ciamada de 'n contatt del Procurator General di Stat Unii, ma lee 'l dis no al Castle e 'l ghe dis che l'era on call centre.

La scomincia cont 'sto analista informatich 'na mission, e 'l ghe dis che han trovaa 'na respoeusta a 'na recerca di document fada de 'n ex agent, apont la Beckett, in sul Senator Bracken, per la pupart censurada ma cont in ciar la scritta "Loksat", e l'analista el dis che l'è el nomm de on programma de la CIA per facilità el traffich de droeuga del Bracken, che l'è poeu interogaa de lor e 'l ghe dis che lee la sarà mai contenta comé "sciora Castle", e poeu riva a inseguì i sò inseguitor in d'ona fabbrica ferroviaria, indova aveven rapii Castle, che l'è salvaa de lee.

Incontren poeu la miee del popà-spia del Castle, anca lee spia, ch'i salva de 'n aquaa e ghe dis che 'l Senator Bracken a l'è staa mazzaa in cella, e che donca l'unica soluzion per lor l'era de scappà, ma refuden, e cont on indizi capissen che i gh'ha de 'ndà a l'aeroport, ma 'l capiss anca Castle e se incontren lilinscì, e la mena al distrett de polizia. Cont on'imboscada a l'offizi del Castle menen via anca i alter killer e sequestren i sò telefoni, e descovrissen che riceveven di orden de 'na volta fonzionaria del Procurator, che l'è trovada morta.

La sira lee, colpida di paroll de la matrigna del Castle, la fa i valigg e la va via per pensà cossa fà, e 'l Castle el pensa che 'l matrimoni el sia giamò finii e che 'l Bracken el gh'ha avuu reson, e che 'l se pò pu fidà de lee.

I indagin senza Castle

Dopo avè lassaa la cà la resta però in polizia, e vista la promozion el Castle el pò pu collaborà, ma grazia a la soa licenza de investigator el riess pontoalment a contribuì, e di voeult resoeulv, i sò cas. Inizialment infastidida, quand che grazia a 'n intuizion de luu la riess debon a resoeulv on cas, jutaa de 'na donna cont on olfatt eccezional, el sò sentiment per el Castle el deventa pussee fort, e 'l ghe lassa 'na majetta de snasà.

Per el primm anniversari l'accetta de andà a cena cont el Castle, e poeu fann l'amor. Quand che lee la va a resentàss lu el ved on sò messagg, che 'l fa insospettì in sul motiv de la separazion temporanea, e l'ha anca de facc danegiaa l'obietiv de la Beckett de fàgh savè no 'sta roba, cont la pagura che 'l moeur.

La covertura

Ma el Castle, insospetii, l'indaga cont on'altra detective che 'l cognoss, e donca e'l intuiss tuscòss e 'l proeuva anca ad andàgh dent in di computer de l'analista, che 'l riess ad evità de vess hackeraa pocch prima de la fin de l'operazion.

Se incontren donca per ciarìss: Castle a l'era assee delus, perchè 'l pensava debon che 'l mattrimoni el fuss finii e 'l voreva savèll fin de subit. Però lee la domanda perdon e lu 'l accetta, anca se l'ha voruu "castigàlla" in la camara de lett.

Donca deciden de combatt insemma e de doperà la separazion 'me covertura, ma quand che i sò sottapost se insospettisen el Castle 'l inventa de stà cont ona modella russa, Svetlana, per calmài i ghe dis che anca lee la sta cont on dottor.

Tucc i proeuv trovaa menen a 'n avocatt de offizi, e 'l se troeuva proppi 'sto avocatt in d'on cas, indova el Castle l'è testimon ocular.

E proppi 'sto avocatt el porta el Castle a dubità de quell che l'ha vist e de indagà pussee, e donca a descovrì che l'assassina a l'era no l'imputada defenduda de l'avocatt, e donca per ona quaj ora lee e 'l sò gran sospetaa i gh'han de collaborà, per el fin de la giustizia. Capissen poeu che 'l podaria proppi vess el sò pont debol de taccà.

In l'indagin dopo la gh'ha de indagà in sul fioeu de 'n diplomatich russ, e collaborà cont on poliziott russ. L'è staa poeu descovert che 'l poliziott a l'è 'n agent del FSB, e per capì mej la ciama la matrigna del Castle, anca lee spia, e 'l ghe dis de questa persona anca al Castle, che 'l ghe domanda on poo de robb in sul popà.

A la fin, 'na voeulta resolvuu el cas cont la sicurezza che 'l colpevol saria staa mancaa a lavorà in Siberia, el Castle el ghe dis che se hinn basaa in ses Stat, e che l'è ora de fàll in sett, in territori del consolaa russ. Lee 'l ghe dis, in russ, de seguìlla per fà 'na roba pussee bella.

L'enigma

La recev del Castle, in teoria in conferenza cont el Stephen King, on messagg de vegnì a on'adressa, ma a l'è ona trappola e lee a l'è indormetada e mettuda in d'ona class de scoeula cont ona telecamera. Lilinscì la ved che la gh'ha on tatuagg cont on stemma che l'ha trovaa anca in la soa indagin.

In pratica la gh'ha de seguì, insemma ad alter dò donn, di indizi, ma la riess a scappà de 'sta stanza e incontra el grupp di omen, formaa de trè personn, de che Castle, pussee vun che l'è mort.

Scappen donca insemma, e per permett a 'na porta trappola de dervìss resten denter cont on pastor evangelista, ma capissen che l'autor del gioeugh a l'è lu, che, turbaa perchè separaa de la soa giomella per di esperiment di sò gent psichiatra, el voeur separà di alter cobbi in di ambient tipo studi.

Intant che fann finta de decid chi mazzà Castle el ciappa 'na leva e butta giò l'organizzator e pocch dopo riven i SWAT, dopo che la Alexis l'ha capii indova eren.

A la fin quell che l'ha faa 'sto gioeugh a l'era anca l'assassini del cas, e la vittima l'era soa sorella.

La pas

La gh'ha de indagà in su 'n omicidi ligaa a l'Accademia de Polizia, e lilinscìa troeuva 'na recluta cont ona storia arenta a la soa, e la ghe cunta su la soa storia e la ciappa 'me protetta.

La sira inveci el Castle, che l'ha descovert che in la soa fuga l'ha cognossuu, e combattuu, Loksat, el ghe dis la storia che l'ha savuu e donca deciden de combatt insemma 'sta battaja e anca de finì la farsa de la division, e de tornà insemma anca offizialment.

Loksat

La lianza cont l'avocatt

In l'indagà descovrissen che de 'n aereo ligaa a Loksat a l'è 'ndaa giò l'avocatt, che 'l descovriss cont ona trappola informatica e la avvert che l'è a ris'c a combatt Loksat.

Lee però el ghe respond che luu a l'è semper staa onest e che insemma a lee 'l pò tornà a vessél. Lu al principi a l'era dubbios, ma poeu l'accetta de dàgh el telefonin che 'l ciappa i ordin de Loksat.

Intant el Castle, per la tension, la ghe dis che l'è ora de andà on poo in gir per el mond a possàss, e che la sarà per pocch temp capitana perchè 'l andarà pussee innanz, e lee 'l ghe pensa su.

Intant el ricev 'me cadò 'na soa veggia moto restaurada del Castle.

La fin

La sira prima de l'operazion de polizia troeuven 'na macchina brusada cont on corp.

El di che 'l gh'ha de ricev i orden del Loksat va in del loeugh scernuu, cont on'ampia covertura de polizia, e 'l ghe dis de andà in d'on canton, e ghe vann, supportaa de la Hayley e de l'analista informatich Vikram, e riceven 'na ciamada che l'omm brusaa a l'era l'avocatt Brown, intant a hinn assalii in d'ona trappola, ma hinn salvaa del capo de la Società di Detetive, cognossuu del Castle a Los Angeles per capì i avveniment de la soa descomparsa, che i ghe da on bon arsenal per difendés.

'Sto detective chi la ciama e la ghe dis che gh'è on sò contatt in di servizzi secrett che podaria jutàlla a trovà Loksat, che in realtà a l'è luu, e lee l'ha capii e 'na voeulta in d'ona stanza cont on forn crematori la tira foeura la pistola, fermada però de on sistema magnetich.

Lu el ghe dis che denter del forn a gh'è el corp de Castle, ma in realtà l'è staa salvaa in extremis e 'l va a salvàlla. Anca la soa pistola a l'è fermada, ma riessen, anca cont ona sapienta irruzion de la polizia, a menàll via e a salvàj tucc.

Tornaa a cà lee la va in sul lecc a cavàss i scarp intant che 'l Castle el fa de mangià, ma la sent on sbar e la ved el Brown che l'ha snaraa a Castle, e in la sparatoria la resta ferida.

El futur

Dopo de la sparatoria se ved on scorcc de sett agn innanz, cont lor du anmò insemma e cont trii fioeui.

Personalità

A l'è ona donna debon forta, despess minga emozionala per via del colp de la mort de la mader.

A l'è assee scettica, e l'ha mai mostraa di sentiment religios, e la smonta semper i teorij irrazionai del Castle.

Vos corelaa

• Richard Castle