Red celer del Canton Tesin

Quest articol chì l'è scrivuu in lombard, grafia milanesa.

Ol contegnid de qell articol qé l'è de atualizar.

Al sœmea qe qesta vox qé la g'habie denter dei informazion vegie. Se ta ge rivet, dà-g una sistemada.

La red celer del Canton Tesin a l'è la red ferroviaria regionala del Canton Tesin, e che la conliga el Canton direttament a l'Aeroport de Malpensa e indirettament a Milan.

Red celer del Canton Tesin
Treno in corsa a Capolagh
Tipolojia	rete ferroviaria suburbana e rete di trasporto pubblico
Stats	Svizzera Italia
Territore	Canton Tisin e Lombardia
Vertura	2001
Ultem slongament	2018
Linie	7

Operador	TiLo e Ferrovie Luganesi

Veture	RABe 524, NPZ, Be 4/8
N. stazion e fermade	64
Lungeza	310,2 km

istruzion

A l'è fada de ses lign: Cinch gestii de la società Italo-svizzera TiLo e vuna, la linia S60, ferrovia Lugan-Pont Tresa, dij Ferrovie Luganesi.

El center de la red a l'è la stazion de Bellinzona, e 'l coeur la linia S10, che la taja el Canton a mità.

La red intrega a l'è longa 310,2 km e la gh'ha 64 stazion.

Lign

Linia	Percors	Longhezza	Stazion	Gestor
S10	Bellinzona - Mendris - Stazion de Albaa-Camerlada	120 km	22	TiLo
S20	Bellinzona - Locarn	23,5 km	9	TiLo
S30	Bellinzona - Malpensa	130,0 km	26	TiLo
S40	Vares - Arcisaa - Mendris - Albaa-Camerlada	34,5 km	10	TiLo-Trenord
S50	Vares - Arcisaa - Mendris - Bellinzona	65,55 km	18	TiLo-Trenord
S60	Lugan-Ponte Tresa	12,2 km	12	FLP
S90	Giubiasch - Mendris		12	TiLo

Storia

L'ideja de on sistema in stil S-Bahn la nass in del 2001, in l'ambit di accord cont l'Italia per el straport transfrontalee. In del 2004 la nass la società TiLo e dal 12 dicember 2004 nassen offizialment i lign S1, S2 e S3.

Dal 13 dicember 2008, in accordi cont la Region Lombardia, i numer a hinn cambiaa per sconfondés no cont i lign del servizzi ferroviari suburban de Milan. La linia pussee importanta la resta la S10, che la interscambia cont la linia S11 de Milan a Ciass e, finna al 2010, a Comm.

In del 2010 a hinn giontaa i lign S40 e S50.

In del 2018, cont la vertura de la Stabio-Arcisaa del 7 de genar 2018 a l'è mudaa el servizzi e la S40 e S50 riven a Vares.

Dal giugn 2018 on treno su du de la S40 el va finna a Malpensa T2, e 'l sostituiss la S30 de la tratta in tra Galaraa e Milan. Con la vertura de la galleria de bas del Monscender i treni servissen puu i stazion intermedi de Lamon, Tavern, Mezzvich e Rivera, per le che l'è fada su la linia S90.

Material rotabil

In su la pupart di lign (10, 20, 30, 40, 50) a l'è doperaa l'Elettrotreno FFS RABe 524.

In su la linia 20 a l'è anca doperaa el treno navetta FFS RBDe 4/4.

In su la linia a scartament metrich S60, inveci, a hinn doperaa domà i Elettrotreni FLP Be 4/8 21-25.

Vos correlaa

Alter progett

Wikimedia Commons el gh'ha dent imagin o alter archivi su Red celer del Canton Tesin