Sciatt (mangià)

Quest articol chì l'è scrivuu in lombard, grafia milanesa.

I sciatt hinn on mangià tipegh de la cusina lombarda, per la precision de la Valtolina (zona de Tej).
Hinn di frittei crocant de forma redonda, con denter del formagg fonduu, e che de norma hinn servii in su 'n lecc de zuccoria.

Sciatt
On piatt de sciatt
Origen
Pòst d'origen	Italia
Region	Lombardia
Spantegament	Pont
Area de produzion	Tej
Dettaj
Categoria	primm piatt
Ingredient principaj	* Farina de formenton Casera Farina 00 On bicerin de acqua vitta Acqua bira oeuli per frigg levaa

Preparazzion

Se messeda su con la birra 'na mes'cia de farina bianca e de formenturch. Dopo de 'vè faa on impast minga tropp liqued, se ghe gionta el formagg tajaa a daditt, el pan grattad, on zicch de levaa e, eventualment, la grappa.
Dopo de 'vè scoldaa l'oeuli a la temperadura de fà frigg, in d'ona pignatta grossa assee, l'impast el ven pocciaa a tocch a tocch in de l'oeuli cont on cugiaron, cont el fàggh atenzion a regoeuj on cubett de formai per ogni "sciatt". Quand che hinn ben doraa, i vann servii direttament in del piatt, in su 'n lecc de zuccoria cruda, tajada a tocchellitt e condida con l'oeuli, l'asee e la saa; i gh'hann de vess mangiaa quand che hinn ancamò cold.

Ingredient

Per quatter personn:

• 300 g de farina de formenturch
• 200 g de farina de forment
• 300 g de formagg "Casera"
• 2 cugiar de pan grattaa
• 1 bicerin de grappa (minga necessari)
• birra
• oeuli per frigg
• on zicch de levaa