Sentinel

Chest artícol a l'è scricc in Lumbàrt, ortograféa orientàl unificàda.

La lèngua Sentinel l’è öna di lèngue di pòpoi del arcipélach di Andamane in del gólf del Bengala e per ès piö precìs l’è öna di trè lèngue meridunàle che se parla sö l’ìsola de Nòrt Sentinel.

I lèngue di Andamane

Confrónt tra la distribusiù di tribù di andamanés tra ìl prensépe del méla e òt (1800) e ‘l prensépe del 2004. Gh’è de regordà che tra ‘l 1789 e ‘l 1793 i s’è spopolàt i teritòre urignàre di Jarawa che po’ i s’è spostàcc in pòscc bandunàcc da i Grand Andamanés sö la còsta a sira (ovest); la s’è estìnta la lèngua Jangil dal 1931; l’ rèsta póch o negót de i lèngue de i dés lèngue di pòpoi Grand Andamanés; dóma ‘l tòch de la lèngua Sentinelese l’è restàt chèl che l’éra.

Se pènsa che ghe sìes dóma 50 persune che i è bune de parlà chèsta lèngua.

De la lèngua Sentinel se sà póch o negót, se cognòs gnach öna quach paròle giöst de riaga a capì che rasa de lèngua l’è.

De fati ‘l pòpol di Sentinel l’è quaze mai entràt ‘n contàt con di forestér che l’à mai völìt ìga tra de lur, ma ach ol goèrno ‘ndià l’à pensàt bé de tègn töi de luntà da chèsta ìsola per salvà chèsta zét, la sò lèngua e la sò cültüra. De fati la lèngua Sentinel l’è öna di póche lèngue andamanéze che la s’è salvàda e che l’à mia lasàt ‘l pòst al Hindi.

Fòrse l'à gh'à ergóta 'n cümü co la lèngua Öñge.

Ol còdes Iso

Ol còdes Iso de la lèngua Sentinel l’è ISO 639-3:std.

I lèngue di Andamane

Lèngue andamanéze magiùre (10)

del setentriù (4)

• Aka-Bo
• Aka-Cari
• Aka-Jeru
• Aka-Kora

del mès de l’arcipélagh (6)

• Aka-Bea
• Aka-Kede
• Aka-Kol
• Akar-Bale
• A-Pucikwar
• Oko-Juwoi

Lèngue andamanéze meridiunàle (3)

• Jarawa
• Öñge
• Sentinel