Chest artícol a l'è scricc in Lumbàrt, ortograféa orientàl unificàda.


La lèngua Öñge, ciamàda ach Onge, Eng e pò Ung, l’è öna lèngua meridiunala del arcipelàch di Andamane in del gólf del Bengala.

Önge
Parlaa in: India
Nümer de parlant: 94[1]
Fameja lenguistega: Ongan
& Önge
Còdes linguistich
ISO 639-1: nissön
ISO 639-2: -
ISO 639-3: oon&
Divizion de i lèngue di Andamane prima del 1850


Confrónt tra la distribusiù di tribù di andamanés tra ìl prensépe del méla e òt (1800) e ‘l prensépe del 2004. Gh’è de regordà che tra ‘l 1789 e ‘l 1793 i s’è spopolàt i teritòre urignàre di Jarawa che po’ i s’è spostàcc in pòscc bandunàcc da i Grand Andamanés sö la còsta a sira (ovest); la s’è estìnta la lèngua Jangil dal 1931; l’ rèsta póch o negót de i lèngue de i dés lèngue di pòpoi Grand Andamanés; dóma ‘l tòch de la lèngua Sentinelese l’è restàt chèl che l’éra.

Chèsta lèngua, ‘nsèma a la lèngua Jarawa, l’è öna di dò lèngue andamanéze de la famèa Ongan e l’è parlàda dal pòpol Onge che l’vif in di Andamane picène.

In del 2006 i restàa dóma 94 [2] persùne bùne de parlà ‘l Öñge tat che chèsta lèngua l’è consideràda ‘n estinsiù ach se ‘n di öltem agn ol nömer di parlàncc l’è cresìt [3].

Chèsta lèngua la rés-cia de sparì compàgn de quàze töte i ótre lèngue di Andamane che i è zamò sparide, dezà che ‘n chèste ìsole i è riàcc prìma tace colòni ‘nglés e dòpo ‘ndià e la lèngua di colonizadùr l’à ciapàt ol pòst de chèla di Andamanés.

Ol còdes Iso Modifega

Ol còdes Iso de la lèngua Onge l’è ISO 639-3: oon.

I lèngue di Andamane Modifega

Lèngue andamanéze magiùre (10)

del setentriù (4)

del mès de l’arcipélagh (6)

Lèngue andamanéze meridiunàle (3)

Referènse Modifega

Bibliograféa Modifega

Blevins Juliette, 2007 "A Long Lost Sister of Proto-Austronesian? Proto-Ongan, Mother of Jarawa and Onge of the Andaman Islands". Oceanic Linguistics 46 (1): 154–198.