Lèngua Akar-Bale

Chest artícol a l'è scricc in Lumbàrt, ortograféa orientàl unificàda.

La lèngua Akar-Bale o adóma Bale, o ach Balwa l’è öna lèngua del sèntro del arcipelàch di Grand Andamane, ün arcipélach de ìsole ‘ndiane ‘n del gólf del Bengala.

I lèngue di Andamane

Confrónt tra la distribusiù di tribù di andamanés tra ìl prensépe del méla e òt (1800) e ‘l prensépe del 2004. Gh’è de regordà che tra ‘l 1789 e ‘l 1793 i s’è spopolàt i teritòre urignàre di Jarawa che po’ i s’è spostàcc in pòscc bandunàcc da i Grand Andamanés sö la còsta a sira (ovest); la s’è estìnta la lèngua Jangil dal 1931; l’ rèsta póch o negót de i lèngue de i dés lèngue di pòpoi Grand Andamanés; dóma ‘l tòch de la lèngua Sentinelese l’è restàt chèl che l’éra.

La lèngua Akar- Bale l’è ‘ndàcia perdìda, dezà che gh’è quaze piö nisü che l’ la parla.

La paròla Aka, al prensépe del nòm de la lèngua, l’è ü prefìs cümü a i nòm di lèngue e l’è dovràt in töte i Grand Andamane.

La lèngua Akar- Bale l’èra öna di 10 lèngue parlade dal pòpol di Grancc Andamanés, pòpol che se pènsa l’abie abitàt chèste ìsole da piö de 65.000 agn; i éra 'n 5.000 quando in del 1858 i è riàcc i Inglés, menimà 'n del 2010 i n’éra restàcc dóma 52.

Ol còdes Iso

Ol còdes Iso de la lèngua Aka-Jeru l'è ISO 639-3: acl.

I lèngue di Andamane

Lèngue andamanéze magiùre (10)

del setentriù (4)

• Aka-Bo
• Aka-Cari
• Aka-Jeru
• Aka-Kora

del mès de l’arcipélagh (6)

• Aka-Bea
• Aka-Kede
• Aka-Kol
• Akar-Bale
• A-Pucikwar
• Oko-Juwoi

Lèngue andamanéze meridiunàle (3)

• Jarawa
• Öñge
• Sentinel