Servizi ferroviari suburban de Roma
La città de Roma la gh'ha on insemma de servizzi ferroviari suburban che moeuven circa 373'000 passegee al dì. Vott lign a hinn gestii de Trenitalia e 3 de ATAC.
Ferrovie Laziali
ModifegaEl sistema di Ferrovie Laziali a l'è gestii de Trenitalia e l'è faa de vott relazion, finanziaa primariament de la Region e parzialment del Comun. I lign FL1, FL2, FL3 e FL5 offren in sostanza on servizzi metropolitan, inveci i alter pussee regional.
La categoria de servizzi a l'è quella de treno regional, e Trenitalia offizialment la dopera no 'sti sigl, differentement de l'ATAC. Per el servizzi a hinn doperaa i TAF, i Jazz e di composizion guidaa di FS E.464
I lign
Modifega| Linia | Percors | Inaugurazion | Ultima estension | Longhezza | Stazion | Gestor |
|---|---|---|---|---|---|---|
| FL1 | Orte - Fiumicino Aeroporto | 1994 | ? | 110 km | 26 | Trenitalia |
| FL2 | Roma Tiburtina - Tivoli | 1994 | ? | 40 km | 14 | Trenitalia |
| FL3 | Viterbo Porta Fiorentina - Roma Ostiense | 1999 | ? | 88 km | 28 | Trenitalia |
| FL4 | Roma Termini - Velletri / Albano Laziale / Frascati | 1994 | ? | 92 km | 20 | Trenitalia |
| FL5 | Roma Termini - Civitavecchia | 1994 | ? | 77 km | 13 | Trenitalia |
| FL6 | Roma Termini - Cassino | 1994 | ? | 137 km | 22 | Trenitalia |
| FL7 | Roma Termini - Minturno-Scauri | 1994 | ? | 128 km | 13 | Trenitalia |
| FL8 | Roma Termini - Nettuno | 2004 | ? | 60 km | 13 | Trenitalia |
Linia FL1
Modifega
La linia FL1 la conliga Orte a Fiumicino Aeroporto cont la ferrovia Firenze-Roma e la ferrovia Roma-Fiumicino. La frequenza a l'è de 15 menut in su la tratta Fiumicino-Fara Sabina, in la tratta Fara Sabina-Poggio Mirteto l'è de 30 menut e in la tratta Poggio Mirteto-Orte l'è de 60 menut.
Linia FL2
Modifega
La linia FL2 la conliga Roma Tiburtina a Tivoli in su la ferrovia Roma-Sulmona-Pescara e la da on servizzi metropolitan in di quarter a Est de la città, cont ona frequenza oraria che in di or de ponta la deventa de 30 menut.
Linia FL3
Modifega
La linia FL3 la conliga Viterbo a Roma cont la ferrovia Roma-Capranica-Viterbo. La frequenza a l'è in sul ramm Cesano-Roma de 15 menut, in sul ramm Bracciano-Cesano de 30 menut e in su la tratta Viterbo-Bracciano l'è de 60 menut.
Linia FL4
Modifega
La linia FL4 la conliga Roma a Velletri, Albano Laziale e Frascati cont la ferrovia Roma-Albano, la ferrovia Roma-Frascati e la ferrovia Roma-Velletri. Spartida in trii ramm, ògni ramm el gh'ha ona frequenza de 60 menut.
Linia FL5
Modifega
La linia FL5 la dopera la ferrovia Tirrenica per conligà Roma cont Grosseto cont on trànsit al port de Civitavecchia. La frequenza media a l'è de 30 menut.
Linia FL6
ModifegaLa linia FL6 la conliga Roma a Cassino cont la ferrovia Roma-Cassino-Napoli e ona frequenza de 60 menut, cont di treni dirett per Colleferro, Cassino e Frosinone.
Linia FL7
ModifegaLa linia FL7 la conliga Roma a Formia cont la ferrovia Roma-Formia-Napoli e ona frequenza fissa de 60 menut.
Linia FL8
ModifegaLa linia FL8 la conliga Roma con Nettuno cont la ferrovia Roma-Formia-Napoli e la ferrovia Albano-Nettuno. La gh'ha ona frequenza fissa de 60 menut.
Lign in concession
ModifegaOltra ai lign gestii de la RFI a gh'è trè ferrovij in concession gestii de l'ATAC che conlighen Roma con Ostia, Centocelle e Viterbo.
Roma - Lido
Modifega
|
Per savenn pussee, varda l'articol Ferrovia Roma-Lido. |
La ferrovia Roma-Lido a l'è intregament in del comun de Roma e la conliga la stazion de Roma Porta San Paolo a la frazion de Ostia.
La frequenza di treni a l'è de 10 menut in di moment de ponta e 15 in di moment de calma e l'è stada insubida anca la trasformazion in metropolitana vera e pròppia.
Roma - Giardinetti
Modifega|
|
Per savenn pussee, varda l'articol Ferrovia Roma-Giardinetti. |
La Ferrovia Roma-Giardinetti, incoeu limitada a Centocelle, la conliga la Stazion de Roma Laziali, arenta a Termini a Centocelle.
L'esercizzi a l'è de metrotranvia cont 7 menut de frequenza in ponta e 10 in calma.
Roma-Civitacastellana-Viterbo
Modifega|
|
Per savenn pussee, varda l'articol Ferrovia Roma-Civitacastellana-Viterbo. |
La Ferrovia Roma-Civitacastellana-Viterbo la conliga Roma a Viterbo e la fa sia di straport urban e sia extraurban. Incoeu a gh'è pu el dirett per Viterbo e bisogna ciappà la coincidenza: Prima el toeuveva 2 or e 40 menut.
Tariff
ModifegaEl sistema el gh'ha ona integrazion tariffaria che 'l permètt de viaggià in sü su tucc i mezz de strapòrt de Roma e, eventualment, de la Region. El tìtol a l'è ciamaa Metrebus, Roma se limitaa a la città e Lazio se estes.
In alternativa, per Trenitalia, a gh'è la tariffaria "Anello" che la permett de viaggià in su la città in d'ona direzion per 100 menut. In alternativa a gh'è el biliett chilometrich. I titoi de abbonament valen per Fiumicino domà se almen settimanai.
Per i mèmber di forz de l'orden e quej de pussee de 70 agn a gh'è di scont e gratuità.