Simonetta (familia)
I Simonetta a hinn staa 'na nòbil familia originaria de la Calabria che la s'è affermada in del Ducaa de Milan.
Storia Modifega
I Simonetta originen de l'Angiol Simonetta, mess e diplomatich per el Franzesch Sforza in di sò mission in del Regn de Napoli. Quand che 'l deventa Duca de Milan el ghe va adree e 'l deventa vun di sò plenipotenziari. A la soa mort in del 1472 el sò nevod Cicch, consiliee del Galeazz Maria Sforza e segond di accus amant de la miee Bona de Savoja, e 'l deventa poeu reggent per el fioeu del Galeazz a la mort de quell ultem, el Gian Galeazz Maria Sforza.
El Cicch a l'è menaa via del Lodovigh el Moro e l'è condanaa a mort in del 1480, e perden el favor di Sforza e i sò ben: Domà cont el rivà del Luis XII de Franza tornen in possess di sò ben.
In del 1535 el Giacom Simonetta el deventa cardinal, in del 1561 el sò fioeu Lodovigh a l'è nomenaa anca lu cardinal del Papa Pio IV.
In del 1800 la familia la deventa 'n ramm di Castelbarch ciamaa Castelbarch Vescont Simonetta.