Sistema sanitari del Liechtenstein
|
Quest articol chì l'è scrivud in lombard, con la Noeuva Ortografia Lombarda |
El sistema sanitari del Liechtenstein a l'è un sistema sanitari universal con di element des'centrad e de liber mercad a travers de 'n sistema de sigurazzion obligatoria che ogni resident del Pajes el gh'ha de havégh, minga deslongh 'me sistema de quell de la vesina Svizzera.
Ogni citadin el gh'ha de crompà 'na sigurazzion OKP de 'na compagnia registrada cont el governo, che la quata senza spese pussee del medegh de medesina general e, cont una franchigia, i tratament in Isvizzera e Austria. El sigurad el paga no tusscoss de la sigurazzion, che l'è quatada in part del Stat e in part de 'n fond pagad del padron indova che vun el lavora.
El Liechtenstein el gh'ha un ospedal nazzional a Vaduz, el che pront socors a l'è a gratis anca per quei che inn no sigurad, e dent ghe lavoren anca di dotor in regim privad. Gh'è anca 64 medegh in del Pajes, in tra dotor de bas e specialista, e 26 dentista, i che servizzi inn no quatad de la sigurazzion. Per i malatie pussee grame o per i oss rote assee, i pazzient inn spostad in Austria o in Isvizzera.
In del Prenzipad l'abort a l'è illegal squasi semper, e poden vesser condanad a la galera sia i dotor che 'l fann sia i done. Donca, per abortì legalment, i done gh'hann de andà foeura del Pajes.